Оқу жылында қазақстан республикасының жалпы орта білім беретін мектептерінде
OKOO «ОНЛАЙН БІЛІМ БЕРУ ПЛАТФОРМАСЫНЫҢ МЫСАЛЫ»
жүктеу/скачать 2,31 Mb.
|
Әдістемелік нұсқау хат
| OKOO «ОНЛАЙН БІЛІМ БЕРУ ПЛАТФОРМАСЫНЫҢ МЫСАЛЫ»
Okoo - бағдарламалауды үйренуге арналған онлайн платформа болып табылады. Платформада қазақ және орыс тілдеріндегі білім мазмұны, интерактивті тапсырмалар, кірістірілген IDE (код жазу және орындау ортасы), ойын форматындағы рейтинг жүйесі, оқушының үлгерімі аналитикасы және оқытуды даралауға арналған жасанды интеллект алгоритмдері бар. 1. Оқу мазмұны мемлекеттік жалпыға міндетті білім беру стандарттарына сәйкес 6-10 сыныптарға Python бағдарламалау бағдарламаларын қамтиды. 2. Интерактивті тапсырмалар және кіріктірілген IDE (код жазу және орындау ортасы) оқушыға үшінші тарап бағдарламаларын орнатпай тікелей сайтта бағдарламалауға мүмкіндік береді, сонымен қатар Python, Java, C++, Perl, Pascal және басқаларында тапсырмаларды орындауға мүмкіндік береді. 3. Оқушының үлгерім аналитикасы автоматты түрде жасалады және онлайн-журналда көрсетіледі. Мұғалім әр тапсырма бойынша оқушылардың шешімдерін көре алады. 4. «Виртуалды мұғалім» - жасанды интеллекттің алгоритмдері мектеп оқушыларының білімін жекелендіруге мүмкіндік береді. Виртуалды мұғалім оқушылардың көзқарасына, сондай-ақ бағдарламалау тіліне қарамастан мәселелердің дұрыс шешілуін тексере алады. Виртуалды мұғалім секундына 50 000-нан астам шешімді тексере алады және қате шешім қабылданған жағдайда жеке қателер туралы кері байланыс береді. Патформа жайында толығырақ ақпарат қосымшада. Қосымша
OKoo платформасы https://okoo.kz/auth/signin сайтында орналасқан. Негізгі бетті ашқаннан кейін студенттер мұғалім берген логин мен парольді енгізу керек. Сурет 1. Негізгі бет Платформа мұғалім, әкімшілік және оқушы құрамынан тұрады және үш тілде ұсынылған: орыс, қазақ және ағылшын. Мұғалім платформаның курстарына кіру арқылы студенттерді тіркей алады. Мұғалім панелі арқылы оқушылардың үлгерімін және олардың прогрессін бақылауға болады. Мұғалім оқушылардың тапсырмаларды қалай шешетінін, сонымен қатар әр оқушының қаншалықты теориялық материалға қарағанын қадағалай алады. Мұғалім оқушыларды тапсырмаларды орындауға ынталандыру үшін жарыстар ұйымдастыра алады. Контест (байқау) - белгілі бір уақытта белгілі бір тапсырмаларды орындау. Есептерді бірінші шешкен оқушылар өзінің рейтингісін жоғарылатып, шешілген есеп үшін көбірек балл жинайды. Мұғалім контест (конкурс) үшін және еркін шешу үшін де өзіндік тапсырмалар жинағын құра алады. Сурет 2. Мұғалім тақтасы Оқушы панелі ынталандыруға арналған элементтермен құрастырылған. Оқушы күн сайын өз тапсырмаларының қаншалықты орындалғанын көре алады. Рейтингтік жүйе орындалған тапсырмалар үшін балл қояды. Егер тапсырмалар күн сайын орындалса, ұпайларды алу коэффициенті платформадағы есептерді шешудің ұзақтығына байланысты артады. Оқушы рейтингте өзінің орнын сыныпта да, әлемдік рейтингте де бақылай алады. Оқушы курстық материалдарға үнемі қол жеткізе алады, сонымен қатар курс әзірлеушілерімен кері байланысы бар. Оқушы өзіне ыңғайлы уақытта оқып, тапсырмаларды орындай алады. Бағдарламалау курстары алты бөлімде ұсынылған: бағдарламалау негіздері, шартты құрылымдар, ілмектер, мәліметтер типі, деректер құрылымы және функциялар. Әр бөлім белгілі бір сабақтардан тұрады. Сабақтарға теориялық және практикалық материалдар кіреді. Теориялық материал мәтіндік және видео сабақтардан тұрады. Тәжірибелік бөлім тапсырмалардан тұрады. Сурет 3. Курс парағы Мұғалімнің кабинетінде оқушының практикалық тапсырмаларды орындағаны және үлгерімі жазылады. Сурет 4. Курстың беті Тапсырмаларды тексеру процестерін автоматтандыру үшін жасанды интеллект алгоритмдері OKoo платформасына кіріктірілген. Алгоритмдер оқушының бағдарламалық кодын талдап, дұрыс жауап бере алады. Платформа React JS және Go бағдарламаларында жазылған, олар секундына миллионнан астам сұраныстарға жауап бере алады. жүктеу/скачать 2,31 Mb. Достарыңызбен бөлісу:
|