Оқу жылындағы қабылдау комиссиясының жұмысы туралы есебі қабылдау комиссиясының жұмысы Қазақстан Республикасы Үкіметінің 19. 01. 2012 ж

– кәсіби бағдар беру жұмыстарын жүргізу;

– қабылдау комиссиясының техникалық хатшыларымен әдістемелік-ұйымдастыру жұмыстары, үлестірме, көрнекі материалдарды дайындау, пәндік олимпиадалар, конкурстар және ашық есік күнін өткізу;

Мансап орталығы университет кафедраларына қала мектептерін және аудандарды бөліп берді. Ата-аналар жиналыстарына қатысу, аудан мектептеріне іссапарларға шығу кестесі құрылды.

Ай сайын техникалық хатшыларға тренингтер ұйымдастырылды, БҚМУ туралы ақпараттық қағаздар, көрнекі материалдар дайындалды, облыстық, қалалық газеттерде («Орал өңірі», «Приуралье», «Жайық үні») мамандықтар туралы жарнама беті басылды, әрбір мамандық туралы түсінік беретін папкалар толықтырылды.

2013 жылдың 20 маусымынан бастап қабылдау комиссиясы құжаттарды қабылдау жұмысына кірісті.

Техникалық хатшылықтың жұмысы ҚР БжҒМ 8 нұсқаулығы бойынша жүзеге асты, мәселен, олар төмендегідей жұмыстарды атқаруы тиіс болды:

• 
  шығармашылық емтихандарға қатысуға құжаттар қабылдау;
  
• 
  кешенді тестілеуге қатысуға құжаттар қабылдау;
  
• 
  білім гранты конкурсына қатысуға құжаттар қабылдау;
  
• 
  оқуға қабылдауға хаттамаларды ресімдеу.
  

- қабылдау комиссиясының құрамы бекітілді;

- кеңес беру және емтихан қабылдау кестесі құрылып бекітілді;

- барлық талапкерлерге емтихан қабылдау ережелері мен бағалау критериялары туралы кеңестер өткізілді.

Шығармашылық емтихандарға қатысу үшін 577 талапкер (2012 ж. – 697, 2011 ж. - 387, 2010 ж. - 257) өтініш білдірді. Соның ішінде, 372 талапкер мектепті биыл бітірген түлектер, ал 205 кешенді тестілеуге өтініш берді.

Шығармашылық мамандықтар таңдап отырған 205 талапкерден кешенді тестілеуге 9 талапкер қатыспады, қатысқан талапкерлер төмендегіше тапсырды: 0-10 балл – 1 адам; 11-20 балл – 83 адам; 21-30 балл – 96 адам; 31-40 балл – 15 адам; 41-50 балл – 1 адам.

Барлық шығармашылық емтиханға қатысқан талапкерлер жинаған балл санына сәйкес (өткен жылғы талапкерлер) кешенді тестілеуге және мемлекеттік білім гранты конкурсына қатысуға жіберілді. Шығармашылық мамандықтар бойынша мемлекеттік білім грантын алу конкурсына 451 өтініш қабылданды.

Егер 2010 жылы – 59 талапкер мемлекеттік білім грантын ұтса, соңғы екі жыл қатарымен 2011- 2012 жж. – 66 талапкер иемденген болса, 2013 жылы – 51 талапкер білім грантын ұтып алды.

Жалпы айтқанда, биыл шығармашылық мамандықтарға сұраныс азайды. Алдыңғы жылдармен салыстырғанда, 12 мамандықтың ішінен 4 шығармашылық мамандықтарға оқуға ниет білдіргендер санының көбеюі байқалады. Олар: «Дене шынықтыру және спорт», «Вокалдық өнер», «Аспаптық орындаушылық». Сонымен қатар, талапкерлердің санының өскеніне қарамастан, кейбір шығармашылық мамандықтарға гранттың азаюы байқалады. Мысалы: «Дәстүрлі музыка өнері», «Режиссура», «Хореография», «Бастапқы әскери дайындық». Аталған фактілерді келесі оқу жылында қарастыру қажет.

Біздің қабылдау бөліміне білім гранты конкурсына қатысу үшін 2004 өтініш білдірілді, оның ішінде 64 (2010 ж. – 45, 2011 ж. – 102, 2012 ж.-62) «Алтын белгі» иегері. Университет бойынша 196 талапкер грантқа ие болды, соның ішінде 3 «Алтын белгі» иегері (2010 ж. – 5, 2011 ж. – 10, 2012 ж. – 7):

«Алтын белгі» иегерлерінің БҚМУ-ды таңдағандары университеттің басқа оқу орындары арасында беделінің бар екендігін көрсетеді.

Бөбек қоры биыл 5 талапкерлерге (2012ж- 6 талапкерге) грант ұсынды.