Шығанақ Берсиев ауылшаруашылығында тары өсірушілердің
звено жетекшісі болды. Ақтөбе облысының Ойыл ауданындағы
Берсиевтің звеносы жылдан-жылға тары өнімін арттырып, 1943
жылы әр гектарынан 201 центнерден өнім алып, рекорд жасады.
Ш. Берсиевтің алдыңғы іс-тәжірибесін басқа да аудандар қолданып,
жоғарғы түсімге қол жеткізді. «Құрмет» орденді Ш. Берсиев –
Ғ. Мұстафиннің «Шығанақ» романының басты кейіпкері де атанды.
Күрішті Оңтүстік-Батыс Азияның тропиктік елдері алғаш мәдени
дақылға айналдырды. Үндістанда, Қытайда, Үндіқытайда 4–5 мың
жыл бұрын күріш егілгендігі туралы деректер бар. Ғаламшарымызда
күріш 140,8 млн гектар аумаққа егіледі. Дүниежүзілік диқаншылықта
әр гектардан 24 ц күріш түсімі алынатыны мәлім. Қазақстан бұл ме-
жеден асып түсті. Қызылорда облысы Шиелі ауданының Қызылту
ұжымшарының звено жетекшісі Ы. Жақаев дүниежүзілік рекорд
жасады. Екі мәрте Еңбек Ері, Мемлекеттік сыйлықтың иегері
Ыбырай Жақаев әр гектардан 174 центнерден күріш алды. Қазір
де елімізде күріш өсіруге мемлекетіміз ерекше назар аударуда.
Бейорганикалық (минералды) тыңайтқыш, органикалық тыңайтқыш .
