Сүйекті жеміс ағаштардың аурулары Саңырауқұлақ аурулары
Клястероспориоз (тесікті дақ). Ауру қоздырғышы – Claste- rosporium carpophilum Aderh. саңырауқұлағы (162-сурет). Қоздыр- ғыштың тек конидиялы кезеңі болады. Конидия тасушылары бір клеткалы, қысқа. Конидиялары ұзынша, ұштары доғалданған, кейде шоқпар тəрізді, түсі сары-қоңырдан қара-қоңырға дейін, 3-4 (кей- де 7) перделі, көлемі 23-62 х 12-18 мкм.
Саңырауқұлақ жіпшумағы ағаштың қабығы мен діңінде, ал ко- нидиялары залалданған қабық бөлігінде, бүршіктерде жəне шы- рышта қыстайды. Конидиялар жел, жаңбыр жəне насекомдармен таралады. Жас жапырақтар жиі залалданады. Қоздырғыштың инку- бациялық кезеңі – 2-3, кейде 5-7 күн. Саңырауқұлақ көктемде, жаз бойы жəне күз бен қыстың жылы кездерінде таралып, өркен мен бүршікті залалдайды.
