Қуыс қалталылар класс тармағы (Loculoascomycetidae)
Саңырауқұлақтардың аскілері локулада (қуыста) яғни псевдо- тецийлерде түзіледі (30-сурет). Аскілердің қабығы екі қабатты, ас- коспоралары активті босайды.
30-сурет. Псевдотеций түрлері
Мириангий қатары (Myriangiales)
Бұл саңырауқұлақтардың псевдотецийлері стромада ретсіз ор- наласады. Локулада бір аскі болады. Псевдотецийлер субстратқа батып немесе бетінде орналасады. Көптеген түрі жас жапырақ пен жас өркенде паразитті – ал кейбіреулері бұтақ пен қабықта сапро- фитті өмір сүреді. Конидиялары ложе (төсеніш) үстінде түзіледі.
Elsinoe veneta түрі таңқурайдың антракнозын қоздырады. Жапы- рақ пен өркендерде қызыл жиекті сұр дақ пайда болады. E.ampelina жүзім антракнозын қоздырады. Ауру белгісі жапырақта ұсақ, ашық түсті, біртіндеп қоңырланатын қара-күлгін жиекті дақтар, жемісте сəл ішіне қарай басылған, қоңыр-күлгін кейін сұр түсті, қара-күлгін жиекті дақтар, ал өркендерде созылған ойық жара түрінде болады.
