Оқулық Ә.Ә. Шортанбаев, С. В. Кожанова. Алматы, 2008. 2
жүктеу/скачать 10,03 Mb. Pdf көрінісі
|
shortanbaev e e kozhanova s v zhalpy immunologiya okulyk
- Бұл бет үшін навигация:
- Зертханалық тексеруде
| 2.
Созылмалы шырышты-терiлiк кандидоз Созылмалы шырышты-терiлiк кандидоз екi жыныстың да адамдарын зақымдайды, оған аутосомды-рецессивтiк тұқымқуалаушылық түрлерi тән. Патогенезiнiң негiзiнде Т-лимфоциттердiң Candida антигендерiне селективтiк жауабының тапшылығы жатыр. Бұл кезде гуморалдық жауап бұзылмаған. Аурудың негiзiнде жатқан, генетикалық ақаудың орналасуы, белгiсiз. Науқастар 20-30 жыл өмiр сүруi мүмкiн, бiрақ саңырауқұлақ ауруларына жиi шалдығады (35-ші сур.). Зертханалық тексеруде: ауыр кандидоз фонында Т-лимфоциттердiң толық анергиясы (терiлiк сынама бойынша), бiрақ шеткi қанда олардың мөлшерi қалыпты. Candida антигендерiне лимфоциттердiң бласттық трансформация серпiлiсi күрт төмендеген, бiрақ ФГА-ға және аллогендi жасушаларға жауабы қалыпты. Сонымен қатар, лимфоциттердiң және жұқпаның қоздырғышы жоқ антигендерге қарсы өндiрiлген лейкоциттердiң миграциясын тежеуші фактордың белсендiлiгi қалыпты. В- лимфоциттердiң және сарысулық иммуноглобулиндердiң деңгейлерi қалыпты немесе аздап жоғарлаған. Сөйтiп, созылмалы шырышты-терiлiк кандидоз Т-лимфоциттердiң және Т-митогендерге және басқа да антигендерге лимфоциттердiң бласттық трансформациялаушы серпiлiсiнiң қалыпты кезiнде, Т- лимфоциттердiң белсенденуi және Candida albicans антигендерiне қарсы цитокиндердiң өндiрiлуiнiң азаюы негiзiнде, Т-жүйесiнiң жауап қайтаруының ақауы нәтижесiнде пайда болады. 239 35-ші сурет. Созылмалы шырышты-терілік кандидозы бар науқас бала (по J. Kuby. Immunology, New-York, 1994 бойынша) Емiнде: саңырауқұлақтарға қарсы препараттарды, тасымалдау факторын (трансфер-фактор), аутологиялық лимфоциттердi құю және ұрықтың тимусын көшiрiп отырғызу табысты қолданған. жүктеу/скачать 10,03 Mb. Достарыңызбен бөлісу:
|