§38. Аңызға сенсек, маяктің ұшар басына орнатылған
үлкен айнадан Грекия жағалауынан шыға бастаған
кемелерді көруге болады екен.
Биіктігі 120 метрдей (кей деректерде 180 м)
болатын маяк көп қабатты үш деңгейлі мұнара
түрінде салынған сол замандағы (біздің жыл са-
науымыздан 300 жылдай бұрын) ең ірі құры-
лыс болатын. Оның жоғарғы деңгейіндегі мұна-
рада жалындаған, өшпейтін от ұдайы жанып
тұрыпты. Мұнара басында көптеген таңғаларлық
техникалық құралдар: флюгер, астрономиялық аспаптар, қоңыраулы сағаттар,
от жалыны сәулесін алысқа жіберетін ойыс металл айналар мен линзалар-
дан тұратын ғажайып қондырғылар орнатылыпты. Маяк прожекторы от-жалын
сәулесін 60–100 км қашықтыққа дейін таратып, кемелерге бағдар көрсететін бо-
лыпты. Сәулетші Сострат Книдский жобалаған маяк жоспарланған 20 жыл орнына
5 жыл ішінде толық салынып, 7 ғасырға жуық қалтқысыз жұмыс жасапты.
XIV ғасырдағы күшті жер сілкінісінен кейін толығымен қираған маяктың орны-
на, біраз жыл өткізіп барып, түріктер Кайт-Бей қорғанын тұрғызады. Александрия
маңындағы Фарос аралында бірнеше рет түзетіліп салынған бұл қорған осы кезге
дейін өз келбетін жоғалтқан жоқ.
2015 жылы Мысыр (Египет) өкіметі әлемнің жеті кереметінің бірі болып табы-
латын Александрия маягін қайта тұрғызуға шешім қабылдады.
