Сурет- 1. Білім беру ұғымының мәні (Б.С.Гершунский бойынша) Білімге деген жаңа көзқарас тұрғысынан оның сапасы да жаңаша
пайымдалуда. Бұл, негізінен, білімнің 4 сипатын біртұтас қарастыра отырып,
оның ішінде білімнің құндылық ретіндегі және білімнің нәтиже ретіндегі
қырларына аса мән берумен байланысты.
Білім берудің құндылықтық сипаты үш тұрғыдан қарастырылады:
1) Білім беру – мемлекетік құндылық;
2) Білім беру – қоғамдық құндылық;
3) Білім беру – жеке тұлғалық құндылық.
Білім беру жүйе ретінде .
Білім беру дегеніміз – деңгей, кәсіптік
бағыттарымен ерекшеленетін білім беру мекемелерінің (мемлекеттік және
мемлекеттік емес) жүйесі.
Бірақ, білім беру мекемелерінің мұндай алуан түрлілігі оны әлі жүйе деп
тануға негіз бола алмайды. Себебі, жүйе дегеніміз кез келген объектілердің
жиынтығы емес, олардың элементтерінің өзара сәйкестендіріліп байланысқан
жиынтығы. Қандай белгілер білім беруді жүйе ретінде сипаттайды? Білім беру
жүйесі икемді және динамикалық түрде әлеуметтік-экономикалық өзгерістерге
бейімделе алуы керек және өзіндік психологиялық-педагогикалық негізін берік
ұстануы маңызды.
