Сурет-90. Оқыту заңдылықтары Оқыту процесінде әрбір ғылымның ашқан жаңалықтарын мұғалімнің
басшылығымен оқушыларға жүйелі түрде қарапайым ұғымдармен олардың
санасына берік түрде жеткізу мұғалімнің негізгі міндеті. Сондықтан әрбір
мұғалім оқыту процесіне байланысты дидактикалық принциптерді білуі шарт.
Олар оқытуды ұйымдастырғанда оның білім беру, тәрбиелеу және дамыту
қызметінде үнемі дидактикалық принциптерді басшылыққа алуы міндетті.
Сондықтан мұғалімнің оқыту процесінде дидактикалық принциптерді
дұрыс таңдауы, дұрыс ұйымдастыра білуі сабақтың тиімділігін арттыруда оң
ықпал етеді. Оқытудың ұстанымдары оқыту процесінің заңдылықтарынан
дамиды. Олар көп жылдық тәжірибенің қорытындыланған түрі және қазіргі
таңдағы мектептің жағдайларында оқыту процесінің өзіне тән ерекшеліктерін
ескеріп отырады.
Принциптер – бұл педагогтың өзінің тәжірибелік іс-әрекетінде және мінез-
құлқында басшылыққа алатын негізгі, бастапқы жағдай, идея, негізгі ереже,
қағида,талаптар.
