Сурет-105. Мұғалімнің сабаққа дайындалу кезеңдері Тақырыптық жоспарлау оқу бағдарламасының белгілі бір тақырыбы
немесе тарауы бойынша өтілетін сабақтар мен сабақтан тыс оқу жүйесіндегі
оқыту-тәрбиелік процесі білім беру, дамыту және тәрбие беру қызметтерін іске
асыруының қолайлы жолдарын анықтау үшін қажет.
Бір сабақты жоспарлау – мұғалімнің тиянақты бір сабаққа дайындығы,
яғни сабақты жоспарлау, тақырыптық жоспарлауды әрбір жеке сабаққа сәйкес
нақтыландыру, сабақтың негізгі мазмұны мен бағыты анықталғаннан кейін
сабақтың жоспары мен қысқаша мазмұнын терең ойластыру мен құрастыру.
Сабақтың жоспары, тақырыптық жоспар, бағдарлама мазмұны негізінде,
мұғалімнің оқушыларды және олардың дайындық деңгейін білуінің негізінде
құрастырылады.
Ұзақ мерзімді жоспар оқу жоспарының элементі ретінде 1 жылда өтілетін
оқу материалдарының бөлімдерін анықтайды. Оқу материалдарының бөлімдері
– бұлар бір оқу тақырыбына кіріктірілген сабақтар топтамасы (106-сурет).
Әрбір ұзақ мерзімді жоспар үшін орта мерзімді жоспар түзіледі. Орта
мерзімді жоспарда әрбір бөлімде нақтыланған оқу мақсаттары, оқу-әрекеттері,
оқу ресурстары көрсетіледі және әдістелік нұсқаулар беріледі. Орта мерзімді
жоспар негізінде қысқамерзімді жоспар (сабақ жоспары) түзіледі.
