Эндоскопиялық зерттеу әдістері
Эндоскопия - ағзадағы қуысты мүшелердің ішкі қабатын тікелей арнайы эндоскоп деген аппаратымен көру.
Эндоскоп - бұл әйнек талшықтарының жіптерінен құралған қозғалатын жылжымалы түтікше, басында шамы бар, сол арқылы ішкі қабаттың бейнесі көзге көрінеді.
Эзофагоскопия - өнешті қарау.
Гастроскопия немесе фиброгастроскопия – асқазанды қарау.
Дуоденоскопия - ұлтабарды қарау.
Фиброгастродуоденоскопия (ФГДС) - асқазанмен 12 елі ішекті қарау.
Трахеобронхоскопия - трахеямен бронхты қарау, көбінесе бронхоскопия жүргізіледі.
Цистоскопия - қуықтың шырышты қабатын қарау.
Колоноскопия - тоқ ішектің шырышты қабатың қарау.
Лапороскопия – іш қуысын қарау.
Ректороманоскопия – тік ішекті қарау.
Эндоскоптар зерттелетін мүшенің атымен аталады: гастроскоп, бронхоскоп, цистоскоп, колоноскоп, ректороманоскоп, лапоросоп. Олардың мүшеге қарай айырмашылығы болады: ұзындығы, жуандығы, бірақ принципі бірдей.
Эндоскопияның диагностикалық маңызы өте зор, өйткені мүшенің ішкі шырышты қабатын тікелей көру болады, одағы өзгерістерді және патологиялық ошақтан гистологиялық зерттеуге ұлпадан шымшып алу /биопсия/ және фотосүретке түсіріп алу болады.
Эндоскопия диагностикалық және емдеу мақсатымен жүргізіледі.
Емдеу мақсатымен: эндоскоп арқылы бөгде заттарды, полип, кисталарды кесіп алу болады, ойық жараларды күйдіру немесе тікелей дәрі еңгізу, жағу болады. Эндоскопиядан кейін пациентті бақылау керек.
Зерттеуді мына жағдайларда жүргізу болмайды: психикалық аурулар, миокард инфарктісі /жедел кезеңі/, инсулинге тәуелді қант диабеті, ВИЧ-инфекция.
Достарыңызбен бөлісу: |
