Халықаралық ғылыми-тәжірибелік конференция материалдары
жүктеу/скачать 6,54 Mb. Pdf көрінісі
|
Сборник 24 апреля 2020 г
| Қорытынды.
Емтихан сессиясы жиі эмоциялық кернеу аясында өтеді және айқын стресстік сипатқа ие. Стресстік жағдай ағзаның психофизиологиялық параметрлерінің күрт өзгеруін тудырады. Эмоциялық стресс ми функциясын, психикалық іс-әрекет механизмдерін зақымдауы мүмкін, оң жақ жарты шардың алдыңғы бөліктерін белсендіруге ықпал етеді. Гемодинамика көрсеткіштерінің өзгеруі байқалады (САҚ- ның ұлғаюы, ДАҚ және ПЖ өзгеруі). Нейроэндокринді жүйеде жылжулар орын алады, бұл тек симпатикалық емес, сонымен қатар парасимпатикалық нерв жүйесінің кернеуімен, зат алмасудағы қозғалыстармен қатар жүреді. Студенттердің функционалдық жай-күйіне салыстырмалы сипаттама жасай отырып, емтихан кезінде де, дипломды қорғау кезінде де эмоционалды стресстің әсерімен біз келесілерді анықтадық. Студенттердің жеке-психологиялық ерекшеліктері интроверсиямен сипатталды. Реактивті мазасыз- дану деңгейі қалыпты, ал жеке мазасыздану деңгейі жоғары болды. Дипломды қорғаған студенттерде емтихан тапсырған студенттермен салыстырғанда өзін-өзі жақсы сезінуі, белсенділік пен көңіл-күйдің біршама жақсарғаны байқалды. Жүрек-қантамыр жүйесінің қызметіне келетін болсақ, систолалық және диастолалық АҚ пен пульс жиілігінің артуы байқалды. Дипломдық жұмыстарды қорғау кезінде орташа синустық аритмия белгіленді, бірақ қорғаныстан кейін жүрек ырғағы қалыпқа келді. Осылайша, жүрек ырғағының симпатикалық реттелуі басым болды, бұл ағзаның эмоциялық стресс жағдайына бейімделуін көрсетеді. Дипломдық жұмыстарды қорғау кезінде студенттер ағзасының адаптивті-бейімделу іс-әрекеті функционалдық кернеумен сипатталды. Тұжырымдар. Дипломдық жұмыстарды қорғау студенттер ағзасының жүрек-қан тамырлары жүйесі мен ОЖЖ тарапынан жоғары жүйке-эмоционалды шиеленіс туғызады. Қорғаудан кейінгі кезең, қорғау алдындағы кезеңмен салыстырғанда, жоғары жүйке-эмоциялық кернеумен сүйемелденеді. Ағзаның адаптивті-бейімделгіш қызметі қорғау әсерінен қорғау механизмдерін жұмылдыру есебінен функ- ционалдық кернеу ретінде бағаланған. Дипломдық жұмыстарды қорғау кезінде жүйке-эмоционалды кернеу деңгейі көп факторлы кор- реляциялық талдау мәліметтері бойынша жеке мазасыздық деңгейіне байланысты (жалпы дисперсияға үлес пайызы 47,4%-ды құрады), содан кейін тексеру кезеңі (26,3%), студенттердің жасы (11,9%), одан кейін жеке-психологиялық белгілері және алынған баға, яғни студенттің емтихан пәні бойынша дайындық деңгейінің салыстырмалы көрсеткіші (7,2%-дан). Барлық факторларда сызықтық тәуелділіктер басым болады, бұл ағзаның функционалдық кернеуін қалыптастырудың күрделі механизмінің жоқтығын көрсетеді, ал алынған нәтиже (бағалау) жүйке-эмоциялық кернеу деңгейін ең аз алдын ала анықтайды. жүктеу/скачать 6,54 Mb. Достарыңызбен бөлісу:
|