«Мысық пен тышқан»
«Мысық» пен «Тышқанды» таңдап алады. Қалған балалар қол ұстасып шеңбер
құрайды. Ойыншылар тышқан келгенде қолдарын көтереді, мысық келгенде түсіреді:
«Мысық тісін ақситады,
Көздерін шақшитады.
Дүрдитіп, күржитіп белін,
Айбат қылады ернін» – «мысық» «тышқанды» қуып жетіп, қолға түсіруге
тырысады. Ол шеңбер арқылы шеңбердің сыртында жүгіреді. Тышқан қолға түскеннен
кейін, олардың орнына басқа балалар сайланады.
«Қасқыр мен лақтар»
Алдымен қасқырдың рөлін орындайтын ойыншыны таңдап алады. Қалған балалар
– лақтар. «Лақтар» залдың бір жағында, ал «қасқыр» ортасында тұрады. Мынадай сөздерді
қайталайды:
«Бөрте, бөрте, бөрте лақ,
Бөрте лақ тым ерке-ақ.
Кетесің кейде секеңдеп,
Байламаса көкем кеп».
«Лақтар» залдың қарсы бетіне жүгіріп өтуге тырысады. «Қасқыр» залдың
ортасында жүгіріп жүреді және әрі-бері жүгіріп өткен балаларды ұстап алуға тырысады.
Кейін ойын қайталанады. «Қасқырды» қайта сайлайды. «Лақтар» залдың қарсы бетіне
жүгіріп өтуге тырысады.
Достарыңызбен бөлісу: |
