Ферментативтік (биохимиялық) қасиеттері. Сақау
қоздырғышының биохимиялық белсенділігі төмен. Ол сүтті ұйытпайды,
метилен көгі мен лакмусты түссіздендірмейді. Лактоза, сорбит, маннитті
ыдыратпайды (бұл басқа стрептококкалардан айырмашылығын
көрсетеді). Сақаудың антивирусы (сақау стрептококканың 20 күндік
сұйық ортасында өсірілген фильтраты) бар қоректік ортада
Streptococcus equi өспейді, ал стрептококкалар басқа түрлері өсе береді.
Streptococcus equi- дің
патогенділігі ақ тышқандар мен мысықтың
балаларының құрсақ қуысына немесе тері астына жұқтыру арқылы
анықталады. Себебі бұл жануарлар сақау қоздырғышына өте сезімтал
келеді. 3-10 күннен соң олардың организмінде пиемия процесінің
дамуымен байқалып, жануарлардың өлуімен аяқталады.
ТӨЛДІҢ СЕПТИЦЕМИЯСЫНЫҢ ҚОЗДЫРҒЫШЫ
– Streptococcus pneumoniae. Бұл ауруға 2-4 апталық немесе жаңа туған бұзаулар
шалдығады. Төлдің пневмококкты инфекциясының ағымы өкпелік және
ішектік формада өтеді. Ауруды анықтау жұмыстары төлдердің тірі
кезінде және өлгеннен кейін де жүргізіледі.
