Экология бойынша РӘОК
(РУМС по экологии)
Бағдарлама –
ЭКОЛОГИЯЛЫҚ БІЛІМ ЖӘНЕ ТӘРБИЕ
Біліктілікті арттыру курстары –
ЭКОЖУРНАЛИСТИКА ЖӘНЕ
ТҰРАҚТЫ ДАМУ
ҚАЗАҚСТАН РЕСПУБЛИКАСЫНЫҢ БІЛІМ ЖӘНЕ ҒЫЛЫМ
МИНИСТРЛІГІ
ТИПТІК ОҚУ БАҒДАРЛАМАСЫ
ЭКОЛОГИЯЛЫҚ БІЛІМ ЖӘНЕ ТӘРБИЕ
ЭКОЛОГИЧЕСКОЕ ОБРАЗОВАНИЕ И ВОСПИТАНИЕ
бакалавриаттағы білім беру бағдарламаларының барлық бағыттары үшін
жалпы білім беретін пәндер циклі
5 ECTS (3 кредит)
Құрастырушылар:
Әл-Фараби атындағы Қазақ Ұлттық университет
Л.Н. Гумелев атындағы Евразиялық Ұлттық университет
Е.А. Букетов атындағы Қарағанды университеті
Экологиялық білім қоғамдық-экологиялық дүниетанымды, құқықтық
ұстанымдарды, ғылыми білім кешенін қалыптастыруға, білімді практикаға
енгізуге, бір-бірімен ынтымақтаса білуге, адамның және жалпы қоғамның
мәдениет деңгейін көтеруге, адамдардың моральдық қасиеттерін жетілдіруге
арналған.
"Экологиялық білім және тәрбие" пәні жаратылыстану-гуманитарлық пәндермен
тығыз байланысты және жер құрылымын, экожүйелердің қызметін, табиғат
заңдарын, құқықтық және эстетикалық қағидаларды, экологиялық сипаттағы
нормалар мен ережелерді білуге негізделген. Бұл пәнде білім алушылар табиғатқа
әр түрлі көзқараспен қарауға, оны адамгершілік, танымдық міндеттердің объектісі
ретінде жаңа мәртебеде қабылдауға үйренеді.
Пререквизиттер
-
биология, физика, география, экология және адам өмірінің қауіпсіздігі, философия,
мәдениеттану, әлеуметтану.
Постреквизиттер
-
білім беру бағдарламасының пәндері.
Пән оқытудың келесі нәтижелерін қалыптастыруға бағытталған:
қоғамның тұрақты даму мүддесінде экологиялық білім беруді негіздеу;
қоғам мен табиғаттың өзара әрекеттестігінде, табиғат дамуының заңдылықтарын зерттеу;
жүйелердің өзін-өзі дамыту туралы заманауи идеялармен танысу, экологиялық дүниетанымды
қалыптастыру;
экологиялық дағдарыстар мен қоршаған орта апаттарының туындау мәселелерін қарастыру;
антропогендік қызмет салдарынан планетада болып жатқан геологиялық қайта даму мен климаттық
өзгерістерге талдау жасау;
дамытушы экологиялық-білім беру ортасының құрылымдық-функционалдық ерекшеліктерін түсіндіру;
табиғатқа жауапкершілікпен қарау арқылы экологиялық тәрбиені қалыптастыру;
қазіргі қоғамның құндылықтар жүйесіндегі экологиялық мәдениет пен этиканы талдау.
|
