Кіріспе
Басқа әлеуметтанушылар сияқты, бұл оқулықтың авторлары да әлеу-
меттанудың қуат-күшін қай кезде сезінгендерін нақты біледі. Мәсе-
лен, Роуз Уейтс магистратурада оқып жүргенде «Зерттеу әдістері» пә-
нін оқытагын профессордың үнемі қол көтерген қызға емес, жігітке
сөз беретінін байқайды. Бұған дейін ол тек жақсы дайындалып кел-
гендер, алдыңғы қатарда отыратындар, оқытушыны өзіне қарата ала-
тындар семинардағы пікірталасқа белсене қатысады деп ойлайтын.
Кейіннен барып ол профессордьщ қыздарды елемеуі қоғамньщ әйел
затына деген көзқарасын білдіретінін аңдады. Соның арқасында, Роуз
қоғамдағы қыздар мен әйелдерге қатысты стереотиптік пікірлерді,
оларды кемсітетін мінез-құлық пен ұстанымдарға жол ашатын билік
құрылымын, сол мінез-құлық пен ұстанымдардың салдарын, әйел-
дерге қарсы деструктивті әрекеттердің алдын алудың жолдарын зерт-
тей бастады.
Осы мысалдан байқағанымыздай, әлеуметтану - адамдардың әре-
кеттерін, оларды сол әрекеттерді жасауға итермелеп тұрған жалпы
қоғамдық контексті түсінуге мүмкіндік беретін қүралдарды ұсынады.
Әлеуметтану жеке өмірімізде, елде және қоғамда кездесетін шағын әрі
ауқымды мәселелердің барлығын қарастырады. Шағын көлемде ол
қарапайым адамдардың тұрмыс-тіршілігін - отбасылы болу (кейде
ажырасу), жұмысқа тұру, бала өсіру, көңіл көтеру сияқты жайттарды
қарастыруы мүмкін. Ал кең ауқымда әлеуметтану үйсіздік, денсау-
лық сақтау реформасы, қоршаған ортаның азуы, кедейлік және соғыс
сияқты маңызды ұлттық және халықаралық проблемалардың түйі-
нін іздейді. Бұл оқулық студенттердің әлеуметтану тұрғысынан ойлау
қабілетін арттырып, осы сияқты проблемаларды жете түсініп, оларды
шешуге құлшынысын арттыруды көздейді.
Достарыңызбен бөлісу: 
