Пленарлық баяндамалар
жүктеу/скачать 9,68 Mb. Pdf көрінісі
|
Халықаралық пед. оқу. жинагы 10-11.04 2024 (1)
| ПЛЕНАРЛЫК БАЯНДАМАЛАР
ПЛЕНАРНЫЕ ДОКЛАДЫ 5 Kazakhstan». Keywords: collaboration, pedagogical cooperation, digital environment, digital platform, educational pedagogical portal. Қазақстан Республикасының Президенті Қ.Ж. - Тоқаев Ұлттық құрылтайдың үшінші отырысында ұлттың жаңа келбетін айқындайтын негізгі құндылықтарға жеке - жеке тоқталды: «Біз осы іргелі құндылықты ұрпақ санасына сіңіре беруіміз керек. Адал азамат дегеніміз – жақсы қасиеттерге ие болып, адал еңбек ететін және табысқа адал жолмен жететін адам. Яғни, адалдық пен әділдікті бәрінен биік қояды. Озық ойлы ұлт болу үшін бүкіл қоғам сана - сезімін өзгертіп, жаңа құндылықтарды орнықтыруы керек. Әрбір адам «Адал азамат» деген атқа лайық болса, елімізде әділ қоғам орнайды. «Адал адам – Адал еңбек – Адал табыс» – бір - бірінен ажырамайтын ұғымдар. Осы үш тағанды озық әрі табысты елге озық әрі табысты елге айналудың басты кілті деуге болады» [1]. Мемлекет басшысы тәуелсіз еліміздің болашақтағы бейнесін «Әділетті Қазақстан – Адал азамат – Озық ойлы ұлт» деген үштаған ұғымға сыйғызды, сондықтан Жаңа Қазақстанда озық ойлы азаматты қалыптастыру үшін кәсіби біліктілігі жоғары, жасампаздық және жаңашылдыққа жаны құмар, адал еңбек ететін болашақ мамандарды дайындауымыз керек. ХХІ ғасырдың басында цифрлық технологиялардың қарқынды дамуы адамзат дамуының жаһандық трендіне айналды, қоғамда тез қарқынмен жүріп жатқан ақпараттандыру процесі цифрлық технологиялардың қолдану аясын арттырды, ал бұл үрдіс Цифрлы Қазақстан жағдайында педагогтердің цифрлы құзыреттілігіне қоятын талаптарды күшейтті. Бүгінде кез келген мемлекеттің әлемдік бәсекеге қабілеттілік көрсеткіштерін сол елдегі цифрлық технологиялардың дамуымен айқындалады, еңбек нарығы мен жұмыс берушілер болашақ мамандарға кәсіби құзыреттіліктерімен қатар цифрлы құзыреттіліктерді меңгеру талаптарын қатар қоюда. Қазақстан Республикасы Ғылым және жоғары білім министрлігі Ғылым комитетінің 2023- 2025 жылдарға арналған ғылыми және (немесе) ғылыми - техникалық гранттық қаржыландыру бойынша АР19680242 «Қазақстан Республикасында педагогикалық білім беру жүйесін жаңғырту аясында жоғары оқу орындарының коллаборативті цифрлы білім беру ортасын құру» атты жоба аясында 2023 - 2024 оқу жылында болашақ педагогтердің цифрлы құзыреттіліктерін қалыптастыру бойынша ауқымды жұмыстар жүргізілді. Коллаборативті педагогикалық білім беру жүйесінде цифрлы білім беру ортасын қалыптастырудың теориялық - әдіснамалық, инновациялық - технологиялық және желілік - әдістемелік аспектілерін зерделеу, Қазақстанда педагогикалық білім беру жүйесін жаңғырту, ЖОО - ның коллаборативті цифрлы білім беру ортасын қалыптастыру мақсатында М.Х.Дулати атындағы Тараз өңірлік университеті, І.Жансүгіров атындағы Жетісу университеті, Ы.Алтынсарин атындағы Арқалық педагогикалық институты, Ш.Уәлиханов атындағы Көкшетау университеті арасында коллаборативті педагогикалық консорциум құрылды, ынтымақтастық келісім шарты жасалды. Педагог пен білім алушылардың бірлескен іс - әрекеттің нәтижесі оқыту технологиясын таңдау көптеген факторларға байланысты болады, Е.С.Полат және т.б. ғалымдардың зерттеулеріне сүйенсек, педагог цифрлы құзыреттілігі қалыптасқанда модератор, тьютор, фасилитатор, коуч секілді рөлдерді оп - оңай атқара алады [ 2]. Бірқатар зерттеушілер коллаборацияны «ассоциация», «кооперация», «серіктестік» ұғымдарымен синонимде қарастырып, «бірлескен қызмет», «бірге орындалатын іс - әрекет», «өзара әрекетті ұйымдастырудың топтық формасы», «білім берудегі ынтымақтастық» ұғымдарын біріктіру үшін «ынтымақтасу» терминімен қатар қолданады [3]. |