Патофизиология пәні, мақсаты мен міндеттері және оларға жету
Дербес жүйке жүйесінің бұзылыстары
жүктеу/скачать 6,36 Mb. Pdf көрінісі
|
Патофизиология учебник (1)
| Дербес жүйке жүйесінің бұзылыстары
Дербес жүйке жүйесі симпатикалық және парасимпатикалық бөліктерден тұрады. Симпатикалық жүйкелер омыртқалардың бойында орналасқан тораптардан басталады. Бұл торап жасушаларына жұлынның кеуде және бел бөліктерінің нейрондарынан талшықтар келеді. Парасимпатикалық жүйкелердің орталығы ми бағанасында және жұлынның сегізкөз бөлігінде орналасқан. Симпатикалық тораптардан және парасимпатикалық жүйкелердің орталықтарынан аксондар ішкі ағзаларға келеді және олардың жанындағы, іштеріндегі тораптармен синапстық байланыстар құрады. Ішкі ағзалар қарама-қарсы әсер ететін әрі симпатикалық, әрі парасимпатикалық жүйкелермен жүйкеленеді. Дербес жүйкелік рефлекстердің доғалары жұлында, сопақша және ортаңғы мида түйіседі. Сондықтан орталық жүйке жүйесінің осы бөліктерінің бұзылыстары ішкі ағзалардың қызметтерінің бұзылыстарына әкеледі. Мәселен, жұлыны үзілген жануарларда, қимылдық әрекеттердің бұзылыстарынан басқа, артериялық қан қысымының қатты төмендеуі, жылу реттелістерінің, тер шығарылуының, үлкен 702 және кіші дәрет шығарылуларының бұзылыстары байқалады. Сопақша мида бұзылыстар болғанда көзден жас шығуы, сілекейдің және ұйқыбез бен асқазан сөлдерінің шығарылуы бұзылады. Сонымен бірге, тыныс алу және қан тамырларының қимылдық орталықтарының қызметтері өзгереді. Дербес жүйке жүйесінің әрекеттері мидағы торлы құрылымның, гипоталамустың, таламустың және мидың сыртқы қыртысының қызметтерімен тығыз байланысты. Олар дербес жүйке жүйесінің жеке бөліктерінің өзара қатынастарын және дербес жүйкелік, денелік (соматикалық), ішке сөлденісті жүйелердің өзара байланыстарын меңгеріп, біріктіріп тұрады. Сол себептен бұл құрылымдардың өзгерістері ішкі ағзалардың қызметтерінің өзгерістеріне әкеледі. жүктеу/скачать 6,36 Mb. Достарыңызбен бөлісу:
|