| Жоғарғы деңгейлі программалау тілдері туралы түсінік. Программалау тілдері – адам мен компьютер қатынасы үшін арналған формальды тілдер. Әр программалау тілінде басқа тілдердегі сияқты өзінің алфавиті, сөздік қоры, грамматикасы, синтаксисі және семантикасы да бар. Программалау жұмысында, оның негізін бейнелегенде тіл ұғымы қолданылады. Синтаксистік және семантикалық ережелері тіл ұғымының арақатынасын анықтайды, мысалы: операторлар, идентифи каторлар, айнымалылар, функция мен процедуралар, модульдер және т.б. Программалау тілдерінде грамматика мен семантика ережелері анық, бір мағыналы және тұжырымды болуы қажет. “Жоғары деңгейлі ” деп мазмұнды, қолданбалы есептерді шешуге арналған, ұлғайтылған командалары бар, кәдімгі тілдерге ұқсайтын программалау тілі.
Жоғары деңгейлі программалардың артықшылығы:
Машиналық тілге қарағанда тілдің алфавиті кеңірек, сондықтан оның мазмұны анық, түсінікті және көрнекті;
машиналық операцияға тәуелді емес қолданысқа қажетті операциялар жиынтығы бар;
командалар құрылысы берілгендерді мазмұнды түрде өңдейді және адамға ыңғайлы түрде көрсетеді;
айнымалылар аппараты қолданылады;
берілгендер типі кең көлемде болады.
Достарыңызбен бөлісу: |
