5.2 Оқу нәтижелерін бақылау Оқу нәтижелерін бақылаудың түрлері: үлгерімді ағымдық бақылау (оның ішінде межелік бақылау) мен аралық аттестаттау (емтихан сессиясы). Бағалау академиялық адалдық қағидаларына негізделеді.
Білім алушылардың үлгерімін ағымдағы бақылау әрбір оқу пәні бойынша жүргізіледі және аудиториялық, аудиториядан тыс сабақтарда білімді бақылауды қамтиды: дәрістердегі ауызша немесе жазбаша сұрау, практикалық/семинар сабақтардағы сұрақтарға жауаптар, үй тапсырмаларын орындау, есептеу-графикалық, практикалық немесе зертханалық жұмыстарды бағалау, өз бетінше орындалатын тапсырмаларды бағалау және т. б. Үлгерімді ағымдағы бақылау кезінде студенттердің оқу жетістіктері әрбір орындалған тапсырма үшін 100 балдық (%) шкала бойынша бағаланады, кейіннен «Платонус» ААЖ-ға баға қойылады.
Білім алушылардың үлгерімін межелік бақылау 7-ші және 15-ші апталарда тестілеу, бақылау жұмыстары, коллоквиумдар, жеке немесе топтық жобаларды қорғау және т. б. түрінде жүргізіледі.
Әрбір оқыту пәні бойынша емтиханды өткізу түрі мен тәртібі академиялық кезеңнің басында бір ай ішінде университеттің Ғылыми Кеңесімен бекітіледі.
