Правила организации обучения по сокращенным образовательным программам 5 Правила организации обучения с применением дистанционных образовательных технологий 48
жүктеу/скачать 0,8 Mb.
|
| 16. Midterm форматында аралық бақылауды ұйымдастыру барысында оқытушы пән бойынша Midterm формасына ерекше мән беріп, арнайы жазбаша тапсырмалар жиынтығын даярлап, құрастырады және ол кафедра меңгерушісімен бекітіледі. Midterm кезінде қарастырылатын сұрақтар тізімі, әдістемелік нұсқаулықтары, тапсырманың нақты тұжырымдамасы және студенттің дайындалуы үшін әдебиеттер тізімі білім алушыға арналған оқу бағдарламасында (SILLABUS) келтіріледі. Midterm нәтижесіндегі талданып, бағаланған білім алушылардың мөр басылған жазбаша жауаптары факультет деканатында жинақталады.
17. Емтихан сессиялары қысқы және жазғы болып бөлінеді. Сонымен қатар, жазғы қосымша семестрде аралық емтихан сессиялары болуы мүмкін. 18. Оқу жылының аяғына қарай емтихан сессиясының қорытындысы негізінде университет ректорының бұйрығымен білім алушылардың келесі курсқа көшірілуі жүзеге асады. 19. Емтихан сессияларының кезеңділігі мен ұзақтылығы мамандықтың оқу жұмыс жоспары және университеттің Ғылыми кеңесінде бекітілген академиялық күнтізбе бойынша анықталады. 20. Емтиханды өткізу үшін біліктіліктері сол пәннің бейініне сәйкес келетін және сол академиялық топта сабақ өткізбеген профессор-оқытушылар құрамынан емтихан қабылдаушы эксперттік комиссия тағайындалады. 21. Факультет деканының емтихан сессиясына жіберу туралы өкімінде білім алушының аты-жөні, курсы, мамандығы және академиялық тобы көрсетіледі. Емтихандық сессияға жіберу екі кезеңнен тұрады: а) бірінші кезеңде факультет деканының жалпы шешімімен оқу ақысын толық төлеген, пререквизиттер бойынша академиялық қарызы жоқ, барлық ағымдық (Midterm Exam), аралық бақылауларын тапсырған, академиялық демалыста немесе ұзақ мерзімді емделуде жоқ білім алушылардың сессияға жіберілуі жүзеге асырылады; ә) екінші кезеңде тиісті пән бойынша үлгерімнің ағымдық (Midterm Exam), аралық бақылаулары қорытындысымен анықталатын рейтинг бағасы негізінде білім алушылардың емтиханға автоматты түрде жіберілуі жүзеге асырылады. Аталған рұқсат беру емтихан ведомостарындағы әрбір білім алушының тегінің тұсына тіркеуші офисі тиісті белгі қоюымен орындалады. Аталған пән бойынша жіберу рейтингісін (50 балл және одан жоғары) ала алмаған білім алушылар қорытынды бақылауға (емтиханға) жіберілмейді. Курстық жұмыстарын (жобаларын) тапсырмаған білім алушылар тиісті пән бойынша емтиханға жіберілмейді. 22. Оқу пәні бойынша аралық аттестаттау өткізу кезінде емтиханда алған бағасы мен академиялық кезең ішіндегі үлгерімнің ағымдық бақылаудағы бағалануының орташа балы есептеледі. Емтиханда білім алушының үлгерімі білімді бағалаудың балдық-рейтингтік әріптік жүйесі бойынша бағаланады. 23. Оң баға (А-, А «өте жақсы», В-, В, В+ «жақсы», D, D+, С-, С, С+ «қанағаттанарлық») оқу пәні бойынша емтихан ведомосы мен білім алушының сынақ кітапшасына алынған кредиттер саны көрсетіліп жазылады. «Қанағаттанарлықсыз» F бағасы тек емтихан ведомосына ғана жазылады. 24. Әр пән бойынша емтихан аяқталған соң білім алушыға оның оқу жетістіктерінің бағасы болып табылатын қорытынды баға қойылады. Пәннің қорытынды бағасының құрамына жіберу рейтингісінің бағасы (орташа рейтинг) мен қорытынды бақылау бағалары кіреді. 25. Үлгерімді ағымдық бақылаудың бағасы (жіберу рейтингісінің бағасы) пән бойынша қорытынды бағаның 60%-ын құрайды және емтихан бағасы пән бойынша қорытынды бағаның 40 %-ын құрайды. 26. Оң қорытынды баға тиісті пән бойынша белгіленген кредит санымен игерілген кредиттерді толықтыруға негіз болып, білім алушының транскриптіне жазылады. 27.Білім алушы қорытынды бақылаудан (емтиханнан) «қанағаттанарлықсыз» деген баға алған жағдайда пән бойынша қорытынды баға есептелмейді. 28. Қорытынды бақылауда қанағаттанарлық бағаны көтеру мақсатында қайта тапсыруға рұқсат етілмейді. 29. Факультет деканы кейбір жағдайларда (денсаулығына, отбасы жағдайына, қызметтік себептерге байланысты) білім алушыға емтиханды жеке кесте бойынша тапсыруға рұқсат бере алады. Факультет деканы білім алушыға денсаулығына, сәбиінің дүниеге келуіне, жақын туыстарының қайтыс болуына, қызметтік немесе оқу іссапарында болуына байланысты жағдайларды растайтын анықтамалар тапсырған жағдайда емтиханды жеке кесте бойынша тапсыруына рұқсат береді. 30. Емтихандар ауызша, жазбаша, тест түрінде өткізіледі. 31. Әрбір оқу пәні бойынша емтиханды өткізудің түрі және емтихан қабылдаушы эксперттік комиссия құрамы университеттің Ғылыми кеңесімен академиялық кезең басталғаннан бастап бір ай мерзімнен кешіктірілмей белгіленеді. 32. Барлық оқыту нысанына арналған емтихандар кестесін факультет деканы тіркеуші офисімен бірлесе жасайды. Емтихандар кестесін бірінші проректор-оқу ісі жөніндегі проректор бекітеді. Сессия басталғанға дейін екі апта мерзімінен кешіктірмей емтихандар кестесі білім алушылар мен оқытушылар назарына жеткізіледі. 33. Емтиханға келгенде білім алушының қолында емтихандық сессияға жіберілгендігі туралы мөр басылған сынақ кітапшасы болуы міндетті. 34. Қорытынды бақылау өткізу үшін тіркеуші офисі тарапынан емтихан қабылдаушыға білім алушылардың академиялық кезеңде жинаған балдары мен жіберілу рейтингісі көрсетілген бағалары қойылған емтихан ведомосын береді. 35. Білім алушының пән бойынша дәрісханалық жұмысының, оқытушымен өзіндік жұмысының және аралық, қорытынды бақылау (емтихан) жұмыстарының әрқайсысы, сондай-ақ сабақтардағы әрбір жауап, тапсырылған жеке тапсырма, әрбір зертханалық жұмыс және реферат 1-кестеде көрсетілген әріптік балдық-рейтингтік жүйеге сәйкес 100 балдық (100 пайыздық) шкала бойынша бағаланады. Білім алушылардың білімін бағалауда тапсырма түрінің ерекшелігі мен күрделілігін анықтайтын коэффициенттер (салмақтық үлес) беріледі. Сол тапсырма бойынша білім алушының ағымдық бақылау бағасы 100 балдық (100 пайыздық) шкала бойынша бағаланған бағасын осы салмақтық үлеске көбейту арқылы есептелінеді (2- кестеде жеке тапсырмалар түрлері бойынша салмақтық үлестер 3-бағанда келтірілген). 36. Ағымдық бақылау бағасы (жіберу рейтингісінің бағасы) дәрісханалық сабақтардағы және білім алушының өзіндік жұмысын тапсырудағы (БАӨЖ-дағы) ағымдық бақылау мен аралық бақылау бағаларынан жинақталады. Бағалау приципі 1-қосымшада көрсетілген. Дәрісханалық сабақтардағы және білім алушының өзіндік жұмысын тапсырудағы (БАӨЖ-дағы) ағымдық бақылау бағасы пән ерекшеліктеріне байланысты тарсырмалар түрлері бойынша бағалануы 2-кестеде берілген. Кесте-2 жүктеу/скачать 0,8 Mb. Достарыңызбен бөлісу:
|