Примерные

Тәрбиешілер жоспарлауы жұма сайын жүргізіп отырғанымен, олар ұзақ мерзімдік мақсаттар туралы да ойлауға тиіс. Баяндамалар, конференциялар, экскурсиялар тәрізді іс-шараларды белгілей отырып, бірнеше айға алдын ала шаралар қарастыру қажет. Ұзақ мерзімдік жоспарлау тәрбиешілер ұжымына балалар жүріп өтуге тиісті даму жолдарын көріп отыруға және осы жолда балаларды ынталандыратын қызмет түрлерін ұйымдастыруға мүмкіндік береді. Жағдайға байланысты дер кезінде қандай ірі өзгерістер жасау қажет екендігін танып білуге (мысалы, ашық алаңқайда балаларға шығып- түсуге және қызықты ойындар ұйымдастыруға мүмкіндік беретін жаңа құрылыс жүргізуге) жәрдемдеседі.

Жоспарлауға әртүрлі көмекші құралдар пайдаланылады. Кейбіреулер бір аптаға немесе бір аптаға жасалатын қызметтер мен міндеттердің негізгі түрлері тізбеленген күнтізбені пайдаланады. Екінші біреулер негізгі қызметтер мен негізгі оқиғалар тізіп көрсетілетін белсенділік орталықтарының тізімдері құрайтын матрицаны пайдаланады. Кейбір тәрбиешілер, сондай-ақ әрбір сәбиге арналған спецификалық мақсаттар мен осы мақсаттарға қол жеткізілетін құралдар белгіленген жеке жоспарларды пайдаланады. Тек бір аптаға арналған қызмет түрлері, материалдар мен міндеттер көрсетілетін қысқаша жоспарлар жасалуы да мүмкін. Жазбаша ресімделген жоспарлар ағдарлама жасауға, белсенділік оталықтарында қосымша өзгерістер ұйымдастыруға және жасалған жұмыстың есебін жүргізуге жәрдемдеседі. Олар тәрбиешіге көмектесуге немесе балаларға келетін келушілер үшін пайдалы ақпарат көзі болып табылады. Төменде жоспарлау нысандарының мысалдары келтіріп отыр.