Қр білім және ғылым министрінің 2016 жылғы

• 
  ҚР Үкіметінің 2015 жылғы 25 сәуірдегі № 327 қаулысымен бекітілген Бастауыш білім берудің мемлекеттік жалпыға міндетті стандарты (бұдан әрі – ҚР МЖМБС-2015);
  
• 
  ҚР Білім және ғылым министрінің 2016 жылғы
  15 шілдедегі № 453 бұйрығымен бекітілген Бастауыш білім берудің үлгілік оқу жоспарлары;
  
• 
  ҚР Білім және ғылым министрінің 2016 жылғы
  8 сәуірдегі № 266 бұйрығымен бекітілген Бастауыш білім берудің жалпы білім беретін пәндерінің үлгілік оқу бағдарламалары;
  
• 
  «Оқулықтардың, оқу-әдістемелік кешендердің, оқу құралдарының және басқа да қосымша әдебиеттердің, оның ішінде электрондық жеткізгіштердегі тізбесін бекіту туралы» Қазақстан Республикасы Білім және ғылым министрі міндетін атқарушының 2013 жылғы 27 қыркүйектегі № 400 бұйрығына өзгерістер мен толықтырулар енгізу туралы» ҚР Білім және ғылым министрінің 2017 жылғы 4 сәуірдегі №150 бұйрығымен бекітілген оқу басылымдары негізінде жүзеге асырылады.
  

Тұлғаның физикалық, психикалық және рухани дамуында үйлесімге қол жеткізуіне мүмкіндік беретін рухани-адамгершілік білім нақты білімдік тәжірибеде түрлі жолдармен, ең алдымен, «Өзін-өзі тану» пәні арқылы жүзеге асырылады.

Өзін-өзі тану оқу пәні ретінде тұлғаның адамгершілік негізін құруға, оның рухани өзін-өзі кемелденуі мен өзін-өзі жүзеге асыруына жағдай жасауда түйінді рөл атқаруға міндетті.

«Өзін-өзі тану» пәні бойынша оқу үдерісінің басты міндеті:

әрбір адамның табиғатына салынған жалпыадамзаттық құндылықтарды жарыққа шығару;

– қоғамға қызмет етуге бағытталған мәселелерді шығармашылықпен шешудің іс жүзіндегі дағдыларын, тұлғаның құндылықтар жүйесін қалыптастыру;

– оқушылардың әлеуметтік мәнді бағдарларын, яғни адамның өзіне, қоршаған әлемге, жалпы адамзатқа қатысына себепші болатын адамгершілік тәртіп негіздерін қалыптастыру;

Бастауыш мектептерге арналған өзін-өзі тану бағдарламасы білімнің құндылықтық мәнін күшейте отырып, адамның сүю, өзіне сену, жақсылық жасау, тілектестік таныту, өзіне және басқаларға қамқорлық жасау, жағымды ойлау, адамгершілікті таңдау жасау, дәстүрлерді бағалау және көбейту, жасампаздық, жауапкершілікті өз мойнына алу, ынтымақтасу, кемелдену қабілеттерін ашуды көздейді.

Бастауыш мектеп үшін оқушылардың жас ерекшеліктерін ескере отырып пәннің негізгі базалық мазмұны төмендегі тарауларға сәйкес келеді:

I. Ғасырлар даналығы

II. Ынтымақты отбасы

III. Адам болам десеңіз...

IV. Әсемдік әлемінде!

Аталған тақырыптар жалпыадамзаттық құндылықтарды жарыққа шығару, рухани-адамгершілік қасиеттерді дамытуға және үйлесімді тұлға дамуының тұтастай үдерісінің түрлі жақтарын, қоғамдағы адамның рөлін, адам мен табиғаттың, Әлемнің үйлесімі мен бірлігінің мәнін ашуға; басқа адамдармен өзара қарым-қатынас мәдениетін тәрбиелеуге бағытталған.

Бағдарламада 1,2,3,4 сыныптарда – 34 сабақ. 33-34-сабақтар – жалпылау сабақтары.

Бұдан әрі бастауыш мектептің әрбір сыныбы үшін білім беру мазмұны, дайындық деңгейіне қойылатын талаптар, оқушылардың білімін бағалау критерилері көрсетілген.