Сабақ Ә. М. Жұмағұлова «Зырян қаласының №9 орта мектебі»

(интербелсенді сабақ)

1. Оқушылар түстер арқылы топтарға бөлінеді.

2. Сабақтың табыс критерийлерін ұсыну.

- Қандай үлкен тарауды оқып жатырмыз? Осы тарауда қандай шығармалармен таныстық? Олардың бәрін қандай ой біріктіреді деп ойлайсыңдар?

- Қандай сезімдесіңдер? Кім туралы ойладың?

1. Әр топта оқушылар саусақпен таңдау тәсілі арқылы эссені оқитын оқушыны таңдайды. «Автор орындығында» эссе оқиды. Бағалау «Екі жұлдыз, бір тілек».

2. «Анамның портреті» тақырыбында салынған оқушылардың суреттері сынып ішінде ілулі.

- Портрет дегеніміз не? Қандай портреттер болады?

Алдарыңда кімнің портреті? Ы.Алтынсарин туралы не білесіңдер?

- «Шеше мен бала» әңгімесін оқымас бұрын мына ұғымдардың мағынасын ашып алайық:

1 топ: Қайырымдылық дегенді қалай түсінесіңдер?

2 топ: Жанашырлық дегеніміз не?

3 топ: Қамқорлық жасау дегеніміз не?

4 топ: Аяушылық дегенді қалай түсінесіңдер?

- Мағынасы жағынан бұл қандай сөздер?

Тірек сөздер.

- Бүгінгі біз оқитын әңгімеде қыз бала, шешесі, тентек бала, ақша, құс деген ұғымдар кездеседі.

- Әңгіме не жөнінде болуы мүмкін? (Топта болжап, әңгіме құрастырады). Әр топ әңгімесін ортақ топқа ұсынады.

Жаңа сабақ

Әңгіменің 1 бөлігін оқу.

- Қыз балаға сендер қалай жауап берер едіңдер? Неге?

- Сонда анасының берген ақшасын қызы басқа нәрсеге жұмсағаны дұрыс болды деп ойлайсың ба? Неге?

- Сауап деген сөзді қалай түсінесің?

- Шешесі қызына қандай жауап берді деп ойлайсың? (Топта болжайды, ортаға салады)

2 бөлімді 1 оқушы дауыстап оқиды.

- Шешесі не деп жауап берді?

- Бейшара деген сөзді қалай түсінесіңдер?

- Әңгімеде кемтарлықтан құсты сатуға жүрген-ау деген шешесінің сөзін қалай түсінесіңдер?

- Сіңлісі не деп сұрады?

- Сендер қалай ойлайсыңдар, кімдікі дұрыс? Неге?

3 бөлімді дауыстап тағы 1 оқушы оқиды.

- Осы әңгімеде саған қай кейіпкер көбірек ұнады? Неге?

- Үлкен қыздың орнында сен болсаң, не істер едің?

- Жақсылық жасаған адамның атын да сұрама дегенді қалай түсінесіңдер?

- Әңгіме ұнады ма?

- Әңгімеден өзіңе ұнаған ойларды тауып оқы. Қағазға жазып, ақыл сөздер жібіне ілу.
Ой толғаныс. – Балалар, қазір мен сендерді дискуссияға шақырамын, ашық микрофонға.

(Оқушылар үлкен шеңбер құрып отырады, ортада айналмалы орындықта мұғалім. Сұрақтар қойылады, жауап берем деген оқушыға микрофон ұсынылады).

- Үнемді болу деген не?

- Үнемдеу дегенді қалай түсінесіңдер?

- Үнемшілдік дегеніміз сараңдық па? Ойыңды дәлелде.

- Үнемді болу дегеніміз ақшаға ғана байланысты ма?

- Нені, қашан, қалай үнемдейсің?

- Ендеше, балалар, мен мынадай сөздерді жазып, жіпке ілгім келеді: Үнемшіл болу дегеніміз – қуанышсыз сұрқай өмір кешу емес. Ол өз еркінді бағындыра алу. Ол да тәуекелшілдік.

Әңгімедегі қыз бала мен шешесінің қарым-қатынасы қандай?

- Сендер аналарыңмен өз ойларыңды айтып, бөлісесіңдер ме? Аналарың қандай ақыл айтады?

- Ал қазір табыс критерийлерге оралып, басбармақ тәсілі арқылы өз-өздеріңді бағалаңдар.