Сабақтың барысы: І. Ұйымдастыру кезеңі

1. Қатырма қағаздан құстарға жем салатын қорап жасауды үйрету, қалам салғыш құрастыру;

2.Дұрыс сызу, қию, қайшыны ұстауға дағдыландыру

3.Ұқыптылыққа тәрбиелеу

Барысы

Оқушы зейінін сабаққа аудару

Сабақтың тақырыбын, мақсатын хабарлау.

1.Түбі жоқ қорапты қай жерде қолданамыз?

а) мұғалімнің түсіндірмесі

Қатырма қағаздан құстарға жем салатын қораптың қабырғасын аласа, ішін кеңдеу етіп жасайды. Қалам салғышқа қалам, қарындаштарымызды саламыз. Сонда олар әр жерде шашылып қалмайды, әрі жоғалмайды. Біз қалам салғышты адам бейнесіне келтіріп құрастырамыз.

Пысықтау:

1. Қораптың қабырғаларын бір-біріне желіммен бекітіп, құрастырамыз. Қораптың түбі мен қабырғаларын бір-біріне бекіту үшін қатырма қағаздың жиегіне желім жағып, оны қабырғаларына жапсырамыз. Қалам салғыш құрастыру үшін қатырма қағаздан 11 см х 12 см етіп қалып үлгі дайындаймыз.

2. Қалып үлгіні қағаздың бетіне қойып, белгі саламыз. Қағаз шетін желім жағу үшін артықтау аламыз.

3. Қатырма қағазды цилиндр пішінді етіп бүктеп, желімдейміз.

4. Қатырма қағаздан бас киімін жасаймыз. Ол үшін бас киім дайындамасын конус тәріздес етіп қиып, екі жағын бір-біріне жалғап жапсырамыз.

5. Түрлі-түсті қарындашпен адам бейнелі қалам салғыштың көзін, аузын салып, киімін көркемдейміз. Одан кейін бас киімін кигіземіз. Қалам салғыштың аяғын желімдеп бекітеміз. ә) оқулықпен жұмыс.

V. Бекіту кезеңі

Қорытындылау.

Қазақтың ою-өрнектерімен таныстыру, ұлттық ерекшеліктерді құрметтеуге дағдыландыру, еңбек, эстетикалық тәрбиесіне баулу.

Сабақтың тақырыбын, мақсатын хабарлау.

1. Қандай ою түрлерін білесің?

2.Оюларды қайда қолданамыз?

ІҮ. Жаңа сабақ

а) мұғалімнің түсіндірмесі.Тізіліп біркелкі түскен оюлармен әшекейленген сәнді камзол, тақия, тұскиіздерді көріп жүрсіңдер.Кез-келген ою композициясында «қошқармүйіз» элементтері қолданылады. Ол – қазақтың ұлттық ою-өрнектерінің ең басты мәнері. Бұйым көзге тартымды да әсем көрінуі үшін ою біркелкі түсуі керек. Сондықтан оюды симметриялы етіп қию үлкен рөл атқарады.

ә) оқулықпен жұмыс. Іштей, тізбектей оқыту.

Практикалық жұмыс. Қауіпсіздік ережесін сақтау.

1. Қағазды керекті өлшемде қиып, дайындаймыз.

2. Қақ ортасынан сызық жүргіземіз.

3. Сызық бойынша қағазды төртке бүктейміз.

4.Төрт қабатқа бүктелген қағаздың бірінші бетіне өрнектің төрттен бір бөлігін сызып аламыз да, қайшымен қиямыз.

5. Қиып алынған өрнекті ашамыз.

6. Өрнектің жиектерін тегістеп, қағаз бетіне желіммен жапсырамыз.

7. Өрнекке қатырма қағаздан жақтау жасап, оны әшекейлейміз.

Ү. Бекіту кезеңі

Қазақтың қошқармүйізден басқа қандай ою түрлерін білесің?

Оқушыларға жұқа фольгадан әріп жасауды үйрету; Ой-өрісін кеңейту; Ұқыптылыққа тәрбиелеу.

Оқушы зейінін сабаққа аудару

Сабақтың тақырыбын, мақсатын хабарлау.

1.Қандай ою түрлерін білесіңдер?

2.Өрнекті тұтас қиып алу мен шексіздікке ұластыра оюдың ерекшелігі неде?

ІҮ. Жаңа сабақ

а) мұғалімнің түсіндірмесі: Фольга – жұқа , жылтыр материал. Оны өнеркәсіпте және тұрмыста кеңінен қолданады. Сондай-ақ, ол – бұйымдарды әшекейлеу, көркемдеу үшін де таптырмайтын материал.

ә) оқулықпен жұмыс.

Практикалық жұмыс. Жұмыстың орындалу реті: Фольгадан әріп жасау үшін алдымен жұқа фольганы тегістеп аламыз.Тегістелген фольгаға көрсетілген өлшем бойынша қарындаш және сызғыштың көмегі бойынша әріптердің сызбасын түсіреміз. Олардың биіктігі 5 см, жалпақтығы 1 см шамасында. Берілген өлшемдер бойынша әріптерді фольгаға түсіргеннен кейін қайшымен қиямыз. Оқушылардың еңбегін, орындалу ретін қадағалау.

Қорытындылау.

Бүгінгі сабақта не жасап үйрендік?

Сендерге ұнады ма?

фольгаға өз аттарыңды немесе фамилияларыңды жазып, қиып алыңдар, қатырма қағазға желімдеңдер.

Оқушыларға жаңа жылдық мерекеге арналған маска жасап үйрету; Оқушының логикалық ойлау қабілеттерін дамыту; Жинақылыққа тәрбиелеу.

Оқушы зейінін сабаққа аудару

Сабақтың тақырыбын, мақсатын хабарлау.

2.Оны қандай мақсаттарда пайдаланады?

а) мұғалімнің түсіндірмесі. Бүгін сендермен жаңа жылдық мерекеге арналған масканы жасап көрейік.

ә) Практикалық жұмыс. Жұмыстың орындалу реті:

1. Қатырма қағаз бетіне қалып үлгіні қойып, мысықтың бет пішінін сызып аламыз.

2. Сызылған орны бойынша қағазды қиямыз.

3. Қалып үлгіні масканың үстіне қойып, қаламның көмегімен барлық нүктелерді белгілейміз.

4. Көздің орнын оямыз.

5. Барлық нүктелерді бізбен ақырындап тесіп шығамыз.

6. Тесіктердің үстінен пышақтың ұшымен ойықтар жасаймыз.

7. Ұрттарын қиып аламыз.

8. Масканың ішкі жағынан, құлақтың тұсынан резеңкенің екі ұшын желімдейміз. Үстінен төртбұрыш қағаз жапсырамыз.

9. Құлақтары мен ұрттарын ішке қарай қайырамыз.

10. Ұрты сәл томпайып тұру үшін кесілген жерлерін біріктіріп желімдейміз.

11. Масканың көзін, ұртын, құлағының шетін фольгамен әшекейлейміз.

Қорытындылау.

Бүгінгі сабақ ұнады ма?

Масканы дайындау үшін қандай материалдарды пайдаландыңдар?

Оқушыларды мата түрлерімен таныстыру, матаның қасиеттері мен ерекшеліктері туралы түсіндіру, жіпті түйіндеудің ерекшелігі мен маңызы, жіпті матаға түйінсіз бекітуді үйрету; Танымдық қабілеттерін, қол икемін дамыту; Ұқыптылыққа, шеберлікке тәрбиелеу. .

1. Матаның қандай түрлерін білесіңдер?

2. Жіпті қалай түйіндейміз ?

ІҮ. Жаңа сабақ

а) мұғалімнің түсіндірмесі Мата түрлерімен таныстыру. Матаның қасиеттері мен ерекшеліктеріне тоқталу. Жіпті түйіндеудің ерекшелігі мен маңызын түсіндіру, көрсету.

Іштей, тізбектей оқыту.Суретпен, көрнекілікпен жұмыс.

Еңбек қауіпсіздігін сақтау.

А) Мата қиындыларын жапсырмалау, үлгісін көрсету.

ә) Жіпті матаға түйінсіз бекіту.

Қорытындылау.

Жапсырмалау деген не?

Ұлттық киімдерді матаның қай түрінен тіккен дұрыс?

Оқу. Жіпті матаға түйінсіз бекіту тәсілін жаттығып үйрену.

Оқушыларға « Құс» панносын жасауды үйрету; Ойлау, есте сақтау қабілеттерін арттыру. Ұқыптылыққа, шеберлікке тәрбиелеу.

1.Панно деген не?

2. Тігістің түрлерін еске түсірейік.

ІҮ. Жаңа сабақ

а) мұғалімнің түсіндірмесі. Бүгін сендермен «Құс» панносын тігеміз. «Құс» панносын қолдан тігіп сыйға тартуға немесе ине шаншитын жастықша ретінде пайдалануға болады. Оқулықпен жұмыс. Іштей, тізбектей

ә) Практикалық жұмыс. Қауіпсіздік ережесін сақтау. Жұмыстың орындалу реті:

1. Құс панносының қалып үлгісін дайындау үшін қатырма қағазға құстың кеудесін қарындашпен сызып, қиып аламыз.

2. Екі қабатталған матаның бетіне қалып үлгіні қойып, бормен айналдыра сызамыз да, сызық бойынша қиямыз. Ішіне мақта немесе паролон салу үшін бір бөлігін тікпей қалдырып, қалған бөлігін теріс бетінен көктеп тігеміз. Содан соң оң бетіне аударып, кеудесін мақта не паролонмен толтырамыз. Тігілмеген бөлігін тігеміз.

3. Матадан құстың қанатын қиып алып, кеудесіне желімдейміз. Қызыл түсті матадан айдарын дайындап, құстың басына желімдейміз не тігеміз.

4.Ал қосымша бөлшектерін суреттегідей етіп жапсырамыз.

5. Көзіне түйме, ал кеудесіне іліп қою үшін бау тігеміз.

Оқушыларға «Ат» ойыншығын жасауды үйрету. Ой-өрісін, қол икемін дамыту. Ұқыптылыққа, әдемілікке тәрбиелеу.

1.Тігістің қандай түрлері бар?

2. Тігіс тізбегі қандай қашықтықта болу керек?

ІҮ. Жаңа сабақ

а) мұғалімнің түсіндірмесі. Бүгін сендермен Ат ойыншығын жасаймыз. Ол үшін

1. Суретке қарап отырып, ат кеудесі мен оның ұсақ бөлшектерінің қалып үлгісін дайындаймыз.

2. Бір түсті қалың мата бетіне ат кеудесінің қалып үлгісін түйреп, бормен жан-жағын сызып, сызық бойынша қиямыз. Ал құйрығы, жалы мен қалған ұсақ бөлшектерінің пішінін басқа түсті матадан қиып аламыз.

3. Сонда кеудесіне екі бөлшек, ауыздығына екі бөлшектен төртеу, құйрығына екі бөлшек, жалына екі бөлшек, әшекейлеріне бірнеше бөлшек, тұяғына екі бөлшек, көз айналасындағы жұлдызшаға екі бөлшек мата керек.

4. Алдымен матаның теріс бетінен кеудесінің екі бөлшегін бір-біріне беттестіріп көктеп тігеміз. Ішіне мақта не синтепон толтыру үшін бір жағын тікпей қалдырамыз. Одан кейін тігілмеген жағынан оң бетіне айналдырамыз. Ішін мақта, синтепонмен толтырып, тігілмей қалған бөлігін тігеміз. Енді қосымша бөлшектерін тігеміз. Олар: жалы, құйрығы, көз айналасындағы жұлдызша, ауыздықтары, тұяғы мен әшекейлері. Қосымша бөлшектерін «Құс» панносын тіккендегідей әдіспен орындаймыз.

ә) Практикалық жұмыс. Қауіпсіздік ережесін сақтау.

Ү. Бекіту кезеңі

Қорытындылау.

Бүгінгі сабақта не үйрендік?

Панно жасау барысында қандай тігістерді қолдандыңдар ?

Оқушылардың жұмыстарын салыстыра отырып бағалау.

Оқушыларды бет орамалдардың түрлерімен таныстыру. Оларды әшекейлеуге үйрету. Оқушының логикалық ойлау қабілетін, қол икемін дамыту.

Әдемілікке, тазалыққа тәрбиелеу.

Сабақтың типі: аралас сабақ

Әдісі: сұрақ-жауап, түсіндіру

Көрнекілігі: әр түрлі әшекейленген бет орамалдар.

Барысы:

I.Ұйымдастыру кезеңі.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Бет орамал – тазалықтың кепілі. Ол әрқашан өзіңмен бірге жүруі тиіс. Бет орамалдың көлемі әр түрлі, ол балаларға, ересектерге арналып тігіледі. Өздеріңе ұнамды матадан бет орамал тігіп, өрнектеп алуларыңа болады. Ол үшін бір түсті үш бөлек шаршы мата алып, жиектерінен бір жіпті суырып, орамал шетін түзулеңдер. Суырылған жіп ізімен қиыңдар. Үш орамалды үш түрлі тор көзді, кестелі, мережкалы өрнектермен көркемдеуге дайындаңдар.Сергіту сәті

IV. Жаңа материалды меңгергенін тексеру кезеңі.

1.Оқулықпен жұмыс. Іштей,тізбектей оқыту.

2. Практикалық жұмыс. Орамалды өрнектермен көркемдеу.

3.Техника қауіпсіздігін сақтау.

Қорытындылау.

Бүгінгі сабақ ұнады ма?

Бет орамалды әшекейлеудің қандай түрлерін үйрендік ?

Мережкалы кеестені қандай бұйымнан кездестірдің?

VI.Бағалау.

Оқушылардың еңбегін салыстыра отырып,бағалау.

Оқушыларға «Күнбағыс» панносын жасауды үйрету. Танымдық қабілеттерін, қол икемін дамыту. Эстетикалық тәрбие беру.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Күнбағыс – ірі жапырақты, сары гүлді, дәні майлы өсімдік. Одан өсімдік майын, шекілдеуік алады. Күнбағысты көз алдымызға елестете отырып, өз бетімізше жасап көрейік.

Сергіту сәті

1.Оқулықпен жұмыс. Іштей, тізбектей оқыту.

2.Сұрақ-жауап.

3.Практикалық жұмыс.

Жұмыстың орындалу реті:

1. Қатырма қағаздың дәл ортасына қарындашпен күнбағыстың суретін саламыз.

2. Күнбағыстың дәнін жасау үшін қатырма қағазға аздап желім жағып, қара түсті тоқыма жібін айналдыра отырып желімдейміз.

3. Тоқыма жіптің сары түсімен күнбағыстың гүл күлтелерін желімдейміз.

4. Күнбағыстың сабағын жасау үшін жасыл түсті үш тоқыма жіпті өріп алып, қатырма қағазға жапсырамыз.

5. Жапырақтарына ашық жасыл түсті тоқыма жібін таңдап, оны да желімдейміз.

Жұмыс барысында техника қауіпсіздігін сақтау.

V.Бекіту кезеңі

.Қорытындылау.

Бүгінгі сабақта не үйрендік?

Күнбағыс қай жерлерде өседі?

Одан қандай шикізаттар алынады?

Оқушылардың еңбегін салыстыра отырып,бағалау.

Оқушыларға гүлдерді бейнелеп панно жасауды үйрету. Танымдық қабілеттерін, қол икемін дамыту. Әдемілікке, талғампаздыққа тәрбиелеу.

а) мұғалімнің түсіндірмесі.

Еліміздің табиғаты өте бай және ғажайып. Көктем және жаз мезгілінде еліміздегі әрбір аймақ әсем гүлдермен көмкеріледі. Алуан түрлі гүлдер айналамызды түрлендіріп, ерекше сән береді. Түрлі-түсті матадан әсем гүлдерді бейнелеп, оларды қатырма қағазға желімдеу арқылы панно жасауға болады.Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс. Іштей, тізбектей оқыту.

2.Сұрақ-жауап

3.Практикалық жұмыс.

Жұмыстың орындалу реті:

1. Қатты қағазға қарындашпен бірнеше гүлдің суретін салып аламыз.

2. Салынған гүлдердің үлгісін калька қағазына түсіріп, қиямыз.

3. Дайын үлгілерді әр түрлі мата бетіне (гүлдің басын қызыл, күлтелерін көк, сабағы мен жапырақтарын жасыл түсті матаға) орналастырып, оларды қиямыз.

4. Қиып алынған үлгілерді қатты қағаз бетінде бейнеленген гүлдерге бөлшектерін ауыстырып алмай жапсырамыз. Техника қауіпсіздігін сақтау.

V. Бекіту кезеңі.

Қорытындылау.

Гүлден жасаған панно ұнады ма?

Гүлдің қандай түрлерін білесіңдер?

Сен тұратын аймақта қандай гүлдер өседі?

VI. Бағалау.

Оқушылардың еңбегін салыстыра отырып,бағалау.

Халықтық мерекелермен және дәстүрлермен таныстыру. Наурыз мерекесі туралы түсінік беру. Танымдық қабілеттерін дамыту. Салт-дәстүрді құрметтеуге тәрбиелеу.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Наурыз қазақша «жаңа күн» деген мағынаны білдіреді. Қазақ халқы бұл мейрамға ерекше дайындалады. Киіз үйлер тігіліп, халық жаңа, таза киімдерін киіп, наурыз көже пісіреді, айтыс, ат жарысын ұйымдастырады.Ұлттық ойындар ойналады. Міне, енді түрлі-түсті матадан осы көріністің аппликациясын орындайық. Сергіту сәті

IV. Жаңа материалды меңгергенін тексеру кезеңі.

1.Оқулықпен жұмыс. Іштей, тізбектей оқыту.

2.Сұрақ-жауап

3. Практикалық жұмыс.

Жұмыстың орындалу реті:

Ұзындығы 30 см, ені 20 см қатты қағаздың төменгі бөлігіне жасыл түсті матаны, жоғарғы бөлігіне көкшіл түсті матаны желімдейміз. Жайылып кетпеуі үшін желімді аздап жағамыз. Қатырма қағаздан киіз үйдің қалып үлгісін дайындап аламыз. Ақ түсті мата қиындысының бетіне дайын қалып үлгіні қойып, киіз үйді жасаймыз. Қызыл түсті матадан оюын дайындап, киіз үйге желімдейміз. Киіз үйдің есігін қиып, қайырып қоямыз. Одан кейін дайын киіз үйді жасыл матаның бетіне жапсырамыз. Жылқылар мен ешкілерді ақ, қара, қоңыр матадан қиып алып, желімдейміз.

4.Техника қауіпсіздігін сақтау.

V. Бекіту кезеңі.

Қорытындылау.

Наурыз мейрамы туралы не білесіңдер?

Наурыз мейрамы аппликациясын неге жасыл түспен алдық?

Наурыз мейрамы қай мезгілде болады?

VI. Бағалау.

Оқушылардың еңбегін салыстыра отырып, бағалау.

Мақсаты:

Сабақтың типі: аралас сабақ

Әдісі: сұрақ-жауап, түсіндіру, көрнекілік

Көрнекілігі: таспадан жасалған раушан гүлі.

Барысы:

I.Ұйымдастыру кезеңі.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Раушан гүлін жасауға әр түрлі материалдарды пайдалануға болады. Гүлдің көзге тартымды көрінуі материалға байланысты және оны орындау тәсілі қарапайым болып келеді.

ә) Практикалық жұмыс. Техника қауіпсіздігін сақтау.

Раушан гүлін жасау үшін ұзындығы 60 -70 см, ені 3-4 см жібек таспаны аламыз. Таспаның қыртыстарын үтіктеп, оны бір шетінен екі-үш рет орап шиыршықтаймыз. Шиыршықталған бөлік гүлдің орталық өзегі болады. Оралған таспаның төменгі жиегін қысып ұстап, ине-жіппен бір-екі шалып тігіп бекітеміз. Таспаның қалған бөлігін шиыршықтап, гүлдің күлтелерін жасаймыз. Таспаны ораған сайын төменгі жиегін ине-жіппен тігіп, бекітіп отыру қажет. Ширатылған таспаның жоғарғы жиектерін сыртқа қарай шалқайта бүктегенде, раушан гүлі ашылып келе жатқандай әсер қалдырады. Гүл композициясын толықтыру үшін оның жапырақтарын дайындаймыз. Ұзындығы 8 см, ені 4 см жасыл түсті матадан таспа жасаймыз. Таспаның теріс бетін ішке қаратып қойып, жоғарғы екі жақ шетін бүктейміз. Сонда үшбұрышты пішін пайда болады. Үшбұрыштың төменгі екі ұшын бір-біріне айқастырып, инемен іліп тартамыз. Астыңғы жағы жиырылып, сүйір жапырақ болып шығады. Дайын болған бірнеше жапырақтармен гүлді әсемдейміз. Раушан гүлін кенеп тартылған жақтауға бекітіп, іліп қоямыз. Сергіту сәті

IV.Жаңа материалды меңгергенін тексеру кезеңі.

Оқулықпен жұмыс.Іштей, тізбектей оқыту.

Қорытындылау.

Бүгінгі сабақ ұнады ма?

Не үйрендік?

Раушан гүлінің орталық өзегін қалай жасайды?

Раушан гүлінен басқа қандай гүлдерді жасай білесіңдер?

Оқушылардың еңбегін салыстыра отырып,бағалау.

Көрнекілігі: кестеленген әр түрлі бұйымдар.

Қажетті материалдар мен құралдар: селдір мата, мулине жібі, ине.

Барысы:

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Айқас тігіс кестесі – орындалуы қарапайым әрі ең көп тараған кесте түрі. Оны селдір матаға түсірген дұрыс. Бұл кестені үйрену үшін тор көз дәптерге сатынған суретті пайдаланамыз. Содан кейін кесте жіптерінің түсін таңдаймыз. Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс.Іштей, тізбектей оқыту.

2.Сұрақ-жауап

3.Практикалық жұмыс. Жұмыстың орындалу реті:

1. Бірінші қатарды солдан оңға қарай жартылай айқастырып тігіп шығамыз. Ине ұшын қиғаштап, төмен қарай бағыттап ұстаймыз.

2. Одан кейін оңнан солға қарай кері бағытта қайталаймыз. Ине ұшын төменнен жоғарыға қарай ұстаймыз.

3. Келесі қатардың тігісін жүргізу үшін инені төмен қарай бұрамыз.

4. Кестелеуді осы реттілікпен жалғастырып, өзімізге керекті өлшемге дейін толтырамыз.

5. Соңғы төменгі қатарды толтырған соң, жоғарғы тігісті оңнан солға қарай айқастырып орындаймыз.Техника қауіпсіздігін сақтау.

V.Бекіту кезеңі.

Қорытындылау.

Кесте тігу ұнады ма?

Кестелеуге қажетті жіптің түстерін қалай таңдаймыз?

Кестелеуге неліктен селдір мата пайдаланамыз?

VI.Бағалау.

Оқушылардың еңбегін салыстыра отырып,бағалау.

Мақсаты:

Оқушыларға жеміс-жидек композициясын жасауды үйрету.Ой-өрісін кеңейту.қиялдай білуге баулу.

Сабақтың типі: аралас сабақ

Әдісі:сұрақ-жауап,түсіндіру, көрнекілік

Көрнекілігі: әртүрлі жемістерден жасалған композиция.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі. Бүгін сендермен матадан жеміс-жидек композициясын жасап үйренеміз. Ол үшін қажетті материалдар мен құралдар: қызыл, жасыл түсті мата қиындысы, мақта, ине, жіп, қайшы дайындап алайық.

Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс. Іштей,тізбектей оқыту.

2.Сұрақ-жауап

3. Практикалық жұмыс. Жұмыстың орындалу реті:

1. Алманың қалып үлгісі түсірілген қатты қағазды қызыл мата бетіне орналастырып,бірдей төрт бөлшек қиып аламыз.

2. Бөлшектерді бір-біріне ағылшын түйреуіштерімен жалғап, беттестірілген бөлшектерді матаның оң бетінен қиғаш тігіспен тігеміз.Тек алманың сабағы мен жапырағын тігуге және ішіне мақта толтыру үшін матаның кішкене бөлігін тікпей қалдырамыз.

3.Алманың ішін мақтамен толтырып, тігілмей қалған бөлігін қиғаш тігіспен тігеміз. Жасыл түсті матадан жапырағы мен сабағын дайындап, алманың жоғарғы бөлігіне бекітеміз. Техника қауіпсіздігін сақтау.

V.Бекіту кезеңі.

Қорытындылау

Бүгінгі сабақ ұнады ма?

Несімен ұнады?

Оқушылардың еңбегін салыстыра отырып,бағалау.

Матадан алмұрт пен банан жасап, композицияны толықтыр.

Оқушыларға тауық жұмыртқасы қабығынан қызғалдақ гүлін жасату. Ой-өрісін, қол икемін дамыту. Әдемілікке, эстетикалық тәрбиеге баулу.

Сабақтың типі: аралас сабақ

Әдісі: сұрақ-жауап, түсіндіру, көрнекілік

Көрнекілігі: қызғалдақ композициясы.

Қажетті материалдар мен құралдар: қатты қағаз, жұмыртқа қабығы, ПВА желімі, кескіш, акварель бояуы, қылқалам, қарындаш.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Бүгін сендермен Қызғалдақ композициясын жасап үйренеміз. Қызғалдақ гүлін 8 наурыз мерекесінде аналарға, ұстаздарға немесе сыныптас қыздарға сыйлық ретінде ұсынуға болады. Сергіту сәті

IV. Жаңа материалды меңгергенін тексеру кезеңі.

1.Оқулықпен жұмыс.Іштей, тізбектей оқыту.

2.Сұрақ-жауап

3.Практикалық жұмыс. Жұмыстың орындалу реті:

1. Екі-үш жұмыртқа қабығын жуып, кептіреміз.

2. Кептірілген жұмыртқаның қабықтарын қызыл,сарғыш, жасыл, көк түстерге бояймыз.

3.Бояуы кепкен соң жұмыртқаны кескішпен ұсақтаймыз.

4. Қатты қағаз бетіне әсем гүлдердің бірі – қызғалдақ гүлін бейнелейміз.

5. Қатты қағаздағы гүлдің сабағына, жапырақтарына жасыл түске, ал күлтелеріне қызыл,сарғыш түстерге боялған жұмыртқа қабықтарын желімдейміз.

V.Бекіту кезеңі.

Қорытындылау.

Қызғалдақ гүлі қай мезгілде гүлдейді?

Қызғалдақ гүлін жасағанда қандай әдістерді қолдандың?

Оқушылардың еңбегін салыстыра отырып,бағалау.

Мақсаты:

Оқушыларға табиғи материалдар туралы түсінік беру, олардан жасалатын бұйымдар, оларды кептіру жолдарын ұғындыру, сабаннан панно жасауды үйрету. Ойлау қабілеттерін дамыту.Әдемілікке, жинақылыққа тәрбиелеу.

Сабақтың типі: аралас сабақ

Әдісі: сұрақ-жауап, түсіндіру, көрнекілік

Көрнекілігі: әр түрлі кепкен өсімдіктерден жасалған паннолар.

Қажетті материалдар мен құралдар: кептірілген сабан.

Барысы:

I.Ұйымдастыру кезеңі.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Табиғи материалдарға талдың қабығы, бұтақтар, тал түбірі, құм, жапырақ, гүл күлтелері, кепкен жемістер, сабан, т.б. жатады. Мұндай материал түрлерінен панно, коллаж, икебана, ойыншықтар, қораптар, сурет жақтаушаларын, себеттер жасайды.Қандай да бір бұйым жасамас бұрын оған материалдарды дайындап алу қажет.Ол үшін қолданатын материалды тазалап, кептіріп алады. Кептіру жолдары әр түрлі. Мысалы «икебана» жасау үшін өсімдіктерді сол қалпында түбін жіппен байлап, іліп қояды.Сабаннан бұйым құрастыру үшін оның ұзындығын бірдей етіп кесіп алып, панно жасауға болады.Сондай-ақ әр түрлі дән, жаңғақ, бүрлермен жануарларды, құстарды, көбелектерді,т.б.бейнелеп, ерекше композиция құрастыра аламыз. Бүгін сендермен сабаннан панно жасап үйренеміз.

Сергіту сәті

1.Оқулықпен жұмыс. Іштей,тізбектей оқыту. 2.Сұрақ-жауап

3.Практикалық жұмыс. Жұмыстың орындалу реті:

«Табиғат көрінісі» панносын қағаз бетіне саламыз.Сурет үстіне калька қағазын қойып, суретті айналдыра сызып көшірмесін калька бетіне түсіреміз. Дайын болған сабанның ішкі бетіне ПВА желімін жағып, калька бетіндегі сурет бейнесіне қатарлап жапсырамыз.Суретті сабанмен толық желімдеп шығамыз. Суретті сабанмен толық жапсырмалап болған соң, желімді кептіреміз. Кепкеннен кейін сурет бейнесін калька қағазының екінші бетінде көрініп тұрған сызықтары бойынша қиып аламыз. Қиып алынған бейнені панно негізіне калька қағазы жағына желім жағып, екінші рет желімдеу технологиясын орындаймыз. Нәтижесінде «Табиғат көрінісі» панносы дайын болады.

Мақсаты: Оқушыларға емен ағашы туралы, оның қасиеті туралы түсінік беру. Оқушының ойлау қабілетін дамыту. Өз бетінше жұмыс істеуге баулу

Сабақтың типі: аралас сабақ

Әдісі: сұрақ-жауап,түсіндіру,көрнекілік

Көрнекілігі: емен ағашының суреті, жаңғағы, жапырағы.

Барысы:

I.Ұйымдастыру кезеңі.Сабаққа дайындық.

II.Мақсат қою кезеңі.Сабақтың тақырыбымен, мақсатымен таныстыру.

III.Жаңа материалды түсіндіру кезеңі.

а) мұғалімнің түсіндірмесі.

Емен ағашы 1000 жылдай өсіп тұрады.Осы мерзімде еменнің діңінің жуандығы екі метрден асады.Еменнің өсу мерзімі ұлғайған сайын, одан алынатын табиғи материалдың сапасы да арта түседі. Емен – тығыз, салмақты және қатты ағаш. Еменді құрал-сайман және жоғары сапалы жиһаздар мен құрылыс материалын жасау үшін кеңінен пайдаланады. Емен ағашы табиғи материалға бай ағаштар тобына жатады. Сергіту сәті
IV.Жаңа материалды меңгергенін тексеру кезеңі.

1.Оқулықпен жұмыс.Іштей,тізбектей оқыту.

2.Сұрақ-жауап

3.Практикалық жұмыс. Өздік жұмыс.

1.Емен жапырағын, жаңғағын жинап, тазала.

2.Олардан өз бетіңше құрамақ құрастыр.

3.Жасаған құрамағыңа атау беріп,сыныптастарыңның жұмысымен салыстыр.

V.Бекіту кезеңі.

Қорытындылау.

Емен ағашы қандай табиғи қасиетімен ерекшеленеді?

Табиғи материалдардың қандай түрлерімен жұмыс істегенді ұнатасың?

Оқушылардың еңбегін салыстыра отырып, бағалау.

Мақсаты:

Оқушыларға ағаш кесіндісінен саты жасауды үйрету. Қол икемін дамыту.Еңбексүйгіштікке тәрбиелеу.

Сабақтың типі: аралас сабақ

Әдісі: сұрақ-жауап,түсіндіру,көрнекілік

Көрнекілігі: суреттер

Қажетті материалдар мен құралдар: ағаш кесінділері, ширатылған жібек жіп немесе мықты арқа

Барысы:

I.Ұйымдастыру кезеңі.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Күнделікті тұрмыста темірден дәнекерлеп, ағашты қиюластырып жасаған сатылар жиі кездеседі. Демалыс орындарында, саябақта, балалардың ойын алаңдарында табиғи материалдан жасалған саты, әткеншектердің қарапайым тәсілмен, яғни шағын ағаш кесіндісі және мықты жіптің көмегімен бекітілген түрлерін кездестіреміз. Қазір сендермен шағын ағаш кесіндісінен саты жасап үйренеміз. Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс. Іштей,тізбектей оқыту. 2.Сұрақ-жауап

3.Практикалық жұмыс. Жұмыстың орындалу реті:

Арқанмен байлау үшін саты баспалдақтарының екі ұшына кертіктер салынады.Ол арқанның байланған жерінен шығып кетпеуін қамтамасыз етеді. Мұндай қарапайым сатыны жасау үшін ағаш кесіндісі мен ширатылған жібек жіп немесе мықты арқан қажет. Екі ұшы кертілген ағаш кесіндісін қазықбау шалып байлайды. Сөйтіп керегіне қарай сатының баспалдақ ағаштарын бір-біріне байлап жалғастырып, сатыны ұзартады.

Қорытындылау.

Аспалы сатыны қандай жерлерде қолданады?

Саты баспалдақтарын қалай бекіттің?

Саты жасауға төрт қырлы ағаш кесіндісін пайдалануға бола ма?
VI.Бағалау.

Оқушылардың еңбегін салыстыра отырып,бағалау.

Оқушыларға гүл шоғын құрастыруды үйрету.Ой-өрісін, қол икемін дамыту.Әдемілікке,эстетикалық тәрбиеге баулу.

Сабақтың типі: аралас сабақ.

Әдісі: сұрақ-жауап,түсіндіру

Көрнекілігі: икебана

Қажетті материалдар мен құралдар: қыш ыдыс, кептірілген гүл шоқтары.

Сабаққа дайындық.

Сабақтың тақырыбымен,мақсатымен таныстыру.

а) мұғалімнің түсіндірмесі.

Өсімдік түрлерінен құрастырған гүл шоғы өнерін «икебана» деп атайды. Бұл өнер түрі Жапонияда пайда болған. Икебананы кепкен жапырақтан, шөптен, тал бұтағынан, гүл күлтелерінен құрастырады. Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс. Іштей, тізбектей оқыту.

2. Сұрақ-жауап

3.Практикалық жұмыс.

Гүл шоғын жасау. Олардың әсем жасалуына көңіл бөлу, қадағалау.

V.Бекіту кезеңі.

Қорытындылау.

Икебана дегеніміз не?

Құрғақ құмда гүлді қалай сақтаймыз?

Оқушылардың еңбегін салыстыра отырып, бағалау.

Оқушыларға «Аққала» жасауды үйрету.Ой-өрісін, қол икемін дамыту. Әдемілікке, эстетикалық тәрбиеге баулу.

Сабақтың типі: аралас сабақ

Әдісі: сұрақ-жауап,түсіндіру,көрнекілік

Көрнекілігі: шиден жасалған мүсіндер.

Қажетті материалдар мен құралдар: барқыт мата, қатты қағаз, ши немесе пенопласт (ұсақталған), ПВА желімі, бор, үтік, кеңсе пышағы.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Аққала – қыста балалардың қардан мүсін жасап ойнайтын ойыны. Аққаланы мектептің, үйдің ауласында жасауға болады. Бүгін сендермен аққаланы шиден жасап көрейік. Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс.Іштей, тізбектей оқыту.

2.Сұрақ-жауап

3.Практикалық жұмыс. Жұмыстың орындалу реті:

1.Шиді аққала жасауға жететіндей етіп дайындап алып, тазалаймыз да, суда жібітеміз.

2. Судан алып, оларды кеңсе пышағымен бойлай жарамыз.

3. Жарылған шилерді астына және бетіне қағаз төсеп, үтіктейміз. Одан кейін шилерді ұсақтап бөлеміз.

4. Барқыт матасын қатты қағазға желімдеп аламыз. Содан соң бормен аққаланың мүсінін бейнелейміз.

5. Аққалаға ұсақталған шилерді, ал сыпыртқысының сабы мен басына ұзын жіңішке шилерді желімдейміз.

6.Аққаланың айналасындағы қар ұлпаларын да шимен жапсырмалаймыз.

7. Ұсақ шимен аққаланы тұтас толтырып шығамыз.

V.Бекіту кезеңі.

Қорытындылау.

Ши қайда өседі?

Шиден кілем тоқуға бола ма?

Шиден тағы қандай мүсіндер жасауға болады?

VI.Бағалау.

Оқушылардың еңбегін салыстыра отырып, бағалау.

Оқушыларға «Қайырлы таң» панносын жасауды үйрету. Ой-өрісін, қол икемін дамыту.Әдемілікке, эстетикалық тәрбиеге баулу.

Сабақтың типі: аралас сабақ

Әдісі: сұрақ-жауап, түсіндіру, көрнекілік

Көрнекілігі: үй құстарынан жасалған панно.

Қажетті материалдар мен құралдар: сұлы немесе арпа масағы, қатты қағаз, желім, гүл жапырағы, қайшы.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Бүгін сендермен «Қайырлы таң» панносын жасаймыз.

Қандай үй құстарын білесіңдер?

Әркім өзіне ұнаған құсты таңдап панно жасайық Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс. Іштей, тізбектей оқыту.

2.Сұрақ-жауап

3.Практикалық жұмыс. Жұмыстың орындалу реті:

1.Қатты қағаздың бетіне әтешті бейнелейміз.

2.Салынған әтеш суретіне ұқыппен желім жағамыз. Желім суреттің жан-жағына шығып кетпеуі тиіс. Сұлы не арпа масақтарын әтештің бас бөлігінен бастап жапсырамыз. Айдары мен сағақ салпыншағына қызыл раушан гүлінің күлтесін, көзіне шекілдеуік немесе шие сүйегін, ал тұмсығы мен аяғына кез келген ағаш жапырағын желімдеуге болады.

Қорытындылау.

Панно неліктен «Қайырлы таң» деп аталған?

Масақты қай мезгілде жинайды?

Оқушылардың еңбегін салыстыра отырып, бағалау.

Оқушыларға шиден гүл композициясын құрастыруды үйрету.Танымдық қабілеттерін арттыру, қол икемін дамыту. Әдемілікке, эстетикалық тәрбиеге баулу.

Сабақтың типі: аралас сабақ

Әдісі: сұрақ-жауап,түсіндіру,көрнекілік

Көрнекілігі: шиден жасалған гүл композициясы.

Қажетті материалдар мен құралдар: қатты қағаз, ши, қайшы, желім, сызғыш, қарындаш.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Ши тоқу ерте заманнан бері халқымыздың қолөнерінің бір түрі болып келеді. Шиді жаңбырдан кейін, кешке немесе таңертең шық кеппей тұрғанда жинаған жөн. Мұндай кезде шидің түбі жібіп, суырылғыш келеді. Шидің бәрі тоқуға жарамайды, сондықтан олардың жарамдысын іріктеп алады, қабағын аршып, бумалап, көлеңкеге кептіреді. Тоқылған ши сыртқы түріне қарай: ақ ши, орама ши, шым ши болып 3 топқа бөлінеді. Ал біз шиді пайдалана отырып, гүл композициясын орындаймыз. Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс.Іштей, тізбектей оқыту.

2.Сұрақ-жауап

3.Практикалық жұмыс. Жұмыстың орындалу реті:

1.Қатты қағазға гүл композициясын қарындашпен орындаймыз.

2.Шиден гүлдің сабағын,жапырағын, күлтесін дайындап аламыз.

3.Жұмысты гүлдің сабағын желімдеуден бастаймыз. Ол үшін шиге аз ғана желім жағып, ұқыппен жапсырамыз.

V.Бекіту кезеңі.

Қорытындылау.

Шиді қай мезгілде жинайды?

Тоқылған шилер сыртқы түріне қарай қандай топтарға бөлінеді?

Оқушылардың еңбегін салыстыра отырып, бағалау.

Оқушыларға қатырма қағаздан қалам-қарындаш салатын қорап жасату.Ой-өрісін дамыту.Еңбексүйгіштікке, әдемілікке, эстетикалық тәрбиеге баулу.

Сабақтың типі: аралас сабақ

Әдісі: сұрақ-жауап, түсіндіру, көрнекілік

Көрнекілігі: суреттер.

Қажетті материалдар мен құралдар: сүт қораптары, қайшы, желім.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Бірнеше сүт қорабын жуып, тазалап, кептіреді.Үш қораптың ұзындығын әр түрлі етіп түзулеп қияды. Ал қалған үш қорап қысқа етіп, қиғаш кесіледі. Қораптардың сыртын түрлі-түсті қағазбен, жылтыр фольгамен қаптаса ерекше әсем көрінеді. Оларды желімдеп біріктіреді. Сонда қалам салғыш құламайды, ішіндегі заттары да шашылмайды. Биік қораптарға қалам, қарындаш, қайшы, сызғыш сияқты құралдарды салып қоюға болады.Ал аласа қораптар қыстырғыш, өшіргіш және басқа ұсақ-түйек заттар салуға қолайлы.Мұндай қораптың сабақ дайындайтын үстел үстінде тұрғаны дұрыс. Өйткені өздеріңе қажетті құралдардың барлығын бір жерден табасыңдар. Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс. Іштей,тізбектей оқыту.

2.Сұрақ-жауап

3.Практикалық жұмыс. Оқушылардың еңбегін қадағалау.Қауіпсіздік ережесін сақтау.

Қорытындылау.

Сүт қорабынан тағы қандай заттар жасауға болады?

Жасаған затың ұнады ма?

Оқушылардың еңбегін салыстыра отырып, бағалау.

Оқушыларды легоқұрастырғыштармен жұмыс істеуге үйрету. Ой-өрісін, қиялын дамыту.Шыдамдылыққа, ептілікке баулу.

Сабақтың типі: аралас сабақ

Әдісі: сұрақ-жауап,түсіндіру, көрнекілік

Көрнекілігі: легоқұрастырғыш.

Барысы:

I.Ұйымдастыру кезеңі.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Легоқұрастырғыш бөлшектерінен неше түрлі ойыншықтар құрастырылады. Оқулықтарыңдағы суретте көрсетілгендей, екі қабатты әсем үйден бастап, оның ішіндегі ұсақ-түйек үй жиһаздарын құрастыра аласыңдар. Құрастыру кезінде бөлшектер ең алдымен бір-бірімен тығыз орналасуы керек. Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс. Іштей, тізбектей оқыту.

2.Сұрақ-жауап

3.Практикалық жұмыс. Легоқұрастырғыш бөлшектерінен неше түрлі ойыншықтар құрастыру.

Қорытындылау.

Бүгінгі сабақ ұнады ма?

Несімен ұнады?

Легоқұрастырғыш бөлшектерінен тағы қандай модельдер жасай аласың?

VI.Бағалау.

Оқушылардың еңбегін салыстыра отырып, бағалау.

Мақсаты:

Оқушыларға салфетка қоятын тұғыр жасауды үйрету. Ой-өрісін, қол икемін дамыту.Ұқыптылыққа тәрбиелеу

Сабақтың типі: аралас сабақ

Әдісі: сұрақ-жауап,түсіндіру,көрнекілік

Көрнекілігі: суреттер Қажетті материалдар мен құралдар: жұқа тақтай, қарындаш, сызғыш, желім.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі:

Бүгін сендермен салфетка қоятын тұғыр жасаймыз.Ол үшін өлшемі 10 см х 7 см болатын тақтайды дайындаймыз (2 бөлшек) Одан кейін тұғыр қабырғаларын бекітетін табанына өлшемі 8 см х 8 см тақтай керек.(1 бөлшек).Тұғыр табанына бекітетін қабырғалардың орнын белгілейміз.Алдымен бірінші, одан кейін екінші қабырғаны табанына желімдейміз. Салфетка қоюға арналған дайын тұғырды өз бетімізше сәндеп, пайдалана беруге болады. Сергіті сәті.

IV. Жаңа материалды меңгергенін тексеру кезеңі.

1. Оқулықпен жұмыс. Іштей, тізбектей оқыту.

2. Сұрақ-жауап

3.Практикалық жұмыс. Қауіпсіздік ережесін сақтау. Оқушы еңбегінің орындалуын қадағалау.

Салфетка қоюға арналған тұғырды тағы қандай материалдан жасауға болады?

Олардың қандай түрлерін білесің?

VI.Бағалау.

Оқушылардың еңбегін салыстыра отырып, бағалау.

ағаш кесінділерінен әр түрлі заттар (ыдыс қойғыш түрлері, машина, тікұшақ) жасауға үйрету; Ой-өрісін, қол икемін дамыту.Ұқыптылыққа тәрбиелеу

Сабақтың типі:аралас сабақ

Әдісі: сұрақ-жауап,түсіндіру,көрнекілік

Көрнекілігі: ағаштан жасалған заттар.

Барысы:

1. 
   Ұйымдастыру кезеңі.
   

Сабақтың тақырыбымен, мақсатымен таныстыру.

а) мұғалімнің түсіндірмесі.

Бүгін сендермен ағаш кесінділерінен әр түрлі заттар жасаймыз. Ыдыс қойғыш түрлері, машина, тікұшақ т.б.Ол үшін ағаш кесінділері мен желімді пайдаланамыз. Сергіту сәті

IV.Жаңа материалды меңгергенін тексеру кезеңі.

1.Оқулықтағы суреттермен жұмыс.

2.Сұрақ-жауап

3.Практикалық жұмыс.

4.Техника қауіпсіздігін сақтау.

V.Бекіту кезеңі.

Қорытындылау.

Ағаш кесінділерінен тағы қандай заттар жасауға болады?

Қалай ойлайсыңдар, суреттегі бұйымдар қандай тәсілмен құрастырылған?

Желіммен бекітілген бе, әлде шегемен қағылған ба?

VI.Бағалау. Оқушылардың еңбегін салыстыра отырып, бағалау.

Тақырыбы: Электр тоғы туралы түсінік. Электр тізбегінің шартты белгілері.

Мақсаты: Оқушыларға электр тогы, электр тізбегінің шартты белгілері туралы түсінік беру. Оқушының ойлау қабілетін, ой-өрісін дамыту. Токпен жұмыс істегенде абай болуға, қауіпсіздік ережесін сақтауға тәрбиелеу.

Сабақтың типі: аралас сабақ

Әдісі: сұрақ-жауап,түсіндіру,көрнекілік

Көрнекілігі: гальвандық элемент (батарея)

Барысы:

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Электр энергиясы тұрмыста және өндірісте кеңінен қолданылады. Онымен үйге жарық береді, зауыт-фабрикалардағы қондырғылар жұмыс істеп, өнім шығарады. Темір жолдағы электровоздар вагондарды тартады. Көшедегі бағдаршамдар көліктердің жүрісін реттейді. Күнделікті тұрмыста қолданылатын техникаларды іске қосу үшін ток көзі болу керек. Мұндай ток көзі ретінде гальвандық элемент (батарея), аккумулятор немесе генератор пайдаланылады. Ток көзі мен электр тұтынушылардың өзара байланысуынан электр тізбегі пайда болады. Электр тізбектері схема түрінде шартты белгілермен көрсетіледі.Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс.Іштей, тізбектей оқыту

2.Сұрақ-жауап

а) Батареялар қайда пайдаланылады?

Электр энергиясының тұрмыста алатын орны қандай?

Үйіңде токпен жұмыс істейтін қандай техника түрлері бар?

Шартты белгілер не үшін қажет?

Ток қосқышты розеткадан не себепті корпусынан ұстап суыру керек?

Қорытындылау.

Кез келген техника түрін ток көзіне қосып, ажыратқан кезде қауіпсіздік ережесін есте сақтаңдар.

Шартты белгілер мен олардың нақты бейнесін есте сақтаңдар. VI.Бағалау.

Оқушылардың еңбегін салыстыра отырып, бағалау.
Тақырыбы: Электр тізбегін құрастыру. Электр тізбегін құрастыруға қажетті сымтемір түрлері.

Мақсаты:

Оқушыларға электр тізбегін құрастыру, оған қажетті сымтемір түрлері туралы түсінік беру. Логикалық ойлау қабілеттерін, есте сақтау қабілеттерін дамыту.Ток көзін пайдаланғанда қауіпсіздік ережесін сақтауға баулу.

Сабақтың типі: аралас сабақ

Әдісі:сұрақ-жауап, түсіндіру

Көрнекілігі:гальвандық элемент, электр сымы, шам, ажыратқыш, өткізгіш сымдар.

Барысы:

I.Ұйымдастыру кезеңі.

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Электр тізбектері қарапайым және күрделі болып келеді. Қарапайым электр тізбектері күнделікті тұрмыста ток көзімен жұмыс істеуге, ал күрделілері өнеркәсіптерде, зауыт-фабрикаларда пайдаланылады. Электр тізбегін құрастыру үшін электр схемасын дайындап алу керек. Электр энергиясын ток көзінен тұтынушыға жеткізу үшін өткізгіш сымдар қажет. Оларды зауыттарда алюминий немесе мыстан дайындап шығарады. Сымный бірнеше түрі бар. Сырты қапталмаған сымдар, сырты әр түрлі материалмен қапталған сымдар, және ток өткізбейтін оқшаулауыштан жасалған сымдар. Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс.Іштей, тізбектей оқыту.

2. Сұрақ-жауап

Сымды қандай металдардан жасайды?

Сымның қандай түрлері бар?

Сымды неліктен қаптайды?

Суреттегі электр сымдарының бір-бірінен айырмашылығы неде?

3. Суретпен жұмыс.

Қорытындылау.

Суреттегі қарапайым электр тізбегі қандай элементтерден тұрады?

Оның құрылысын түсініп ал.

Тұрмыстық техникаларды ток көзіне дымқыл қолмен қосып, өшіруге болмайды.

Сым түрлерін есіңе сақта.

Оқушылардың еңбегін салыстыра отырып, бағалау.

Оқушыларға электр тогымен жұмыс істеу құралдары туралы түсінік бере отырып, есте сақтау қабілеттерін дамыту. Ұқыптылыққа, еңбексүйгіштікке тәрбиелеу.

Сабақтың типі:аралас сабақ

Әдісі:сұрақ-жауап,түсіндіру,көрнекілік

Көрнекілігі:электр тогымен жұмыс істеу құралдары.

Барысы:

I.Ұйымдастыру кезеңі

Сабаққа дайындық.

Сабақтың тақырыбымен, мақсатымен таныстыру.

а) мұғалімнің түсіндірмесі.

Электр тогымен жұмыс істеу құралдары әр түрлі. Олардың бірімен сымды қиып, түзетсе, енді бірімен бұрап, иеді.

1.Сызғышпен сымның ұзындығын өлшейді.

2.Кеңсе пышағы. Қапталған сымды кесіп, тазалау үшін қажет. Мұндай пышақ ашып-жабуға ыңғайлы. Жұмыс кезінде пышақтың жүзін ашып, жұмыс біткен соң сабына қарай жауып қояды.

3.Тістеуік. Сымды түзетуге, июге арналған құрал. Мұндай тістеуіктер болаттан жасалады.

4.Үшкір тұмсықты тістеуік. Бұл құралмен сымды дөңгелектеп иіп, шеңбер, өрнек жасауға болады.

5.Тістеуік. Бұл құралды диаметрі 3 мм-ге дейін жететін болат, мыс және алюминий сымдарды қиғанда қолданады.

6.Тістеуік (әмбебап).Сымды түзетеді, иеді, қияды, бұрайды (тісімен, екі жақ иығындағы ойықшамен)

7.Бұрауыш. Бұрандалар мен бұрама шегелерді бұрап бекітетін және шығаратын құрал.

8.Оқшаулағыш таспа. Бір-біріне жалғанған сымды орайды. Сергіту сәті

IV.Жаңа материалды меңгергенін тексеру кезеңі.

1.Оқулықпен жұмыс.Іштей, тізбектей оқыту.

2.Сұрақ-жауап

а) Токпен жұмыс істеу құралдарын ата. Олардың атқаратын қызметтері қандай?

Ағаш материалынан әр түрлі ыдыс қойғыш жасау. Ой-өрісін дамыту.Адамгершілікке тәрбиелеу.

Сабақтың типі: аралас сабақ

Әдісі:сұрақ-жауап,түсіндіру

Көрнекілігі:ағаштан жасалған ыдыс қойғыштар.