Сабақтың барысы: Ұйымдастыру кезеңі: Сәлеметсіздер ме, балалар! (Балалар хормен). Сәлеметсіздер ме!

Меңгерілетің сөздер: Рәміз, ту, елтаңба, әнұран, Елорда, қыран.

- Сәлеметсіздер ме, балалар!

(Балалар хормен). Сәлеметсіздер ме!

(Әнұран орындалады)

-таң, -таң, -таң – елтаңба

-ән, -ән, -ән – әнұран

-у, -у, -у – ту

-міз, -міз, -міз – рәміз

Жаңа сабақ:

• 
  Балалар, бүгін сендердің саяхатқа шыққыларың келе ме?
  
• 
  Иә. (Қыран құсты көрсету)
  
• 
  Ендеше бүгін біз Қазақстан Республикасына саяхатқа шығамыз. Бұл саяхатқа шығуға бізге қыран құс көмектеседі. Қараңдаршы, қыран құс қанатын жайып, бізбен бірге саяхатқа шығуға дайын. Кәне, ендеше көзімізді жұмып ұшайық!
  

• 
  Қараңдаршы (картаны көрсету) біздің Отанымыз, яғни Қазақстан Республикасы қандай үлкен! Балалар, Отанымызды біз жақсы көреміз бе?
  
• 
  Иә.
  
• 
  Ендеше, балалар, Отанымызды сүйетінімізді дәлелдеп көрейікші! Отан туралы біз не білеміз? (мақал-мәтелдер мен өлең оқылады)
  

2. Отан үшін күрес – елге тиген үлес.

3. Өз елім – алтын бесік.

4. Отан үшін отқа түс күймейсің.

5. Отан деген Атамекен,

Отан деген туған жер.

Отан – ана, Отан – пана,

Қазақстан туған ел.

• 
  Жарайсыңдар, балалар! Отанымызды біз өте жақсы көреді екенбіз. Біздің Отанымыз астыққа, қазбаларға бай. Сонымен қатар Қазақстан Республикасында көптеген қалалар бар екен. Соның ішінде еліміздің бас қаласы – Астана. Ал, балалар, сендер Астана туралы не айтар едіңдер?
  

2. Астанада біздің Президентіміз тұрады.

• 
  Жақсы. Ал біздің президентіміз кім?
  
• 
  Нұрсұлтан Назарбаев.
  
• 
  Балалар, Астана әдемі, көрікті қала дедіңдер. Енді сол Астананың көрікті екенін көзімізбен көрейікші!
  

• 
  (бәйтеректің сувинирі бойынша сөйлеу) Балалар, ал мынау Астананы көркейтіп тұрған – бәйтерек. Бұл бәйтерекке қарап біз достығымыздың, ынтымағымыздың мықты екенін көреміз. Жақсы, балалар, біз Астанамыз ең әдемі қала екеніне көз жеткіздік.
  
• 
  Балалар, біздің Отанымыз орманға, ағаштарға да бай екен. Ендеше осы ағаш туралы біз сергіту сәтін орындайық.
  

Тербеледі ағаштар,

Алдымнан жел еседі.

Кіп-кішкентай ағаштар,

Үп-үлкен боп өседі.

- Балалар, Қазақстан Республикасы тәуелсіз мемлекет. 16 желтоқсан күні біз осы тәуелсіздігімізді тойлаймыз. Біз Тәуелсіз мемлекет болғандықтан Қазақстанның өзіне тән рәміздері бар екен.

• 
  Ал бүгін біз сол рәміздермен таныс боламыз. (Слайдпен жұмыс)
  
• 
  Балалар, мынау не, білесіңдер ме?
  

• 
  Балалар, қараңдаршы тудың түсі көгілдір, ортасында күннің көзі және қалықтаған қыран құс бейнеленген. Ал шетінде қазақ халқының ұлттық оюы.
  
• 
  Ал мынау – Елтаңбамыз.
  

• 
  Елтаңбаның дәл ортасында шаңырақ, ал екі жағында қанатты қос арғымақ бейнеленген. Төменгі жағында Қазақстан деген жазу бар.
  
• 
  Рәміздеріміздің үшіншісі ол – Әнұран.
  

• 
  Балалар, Әнұранды барлығымыз жақсы білеміз. Әр дүйсенбіде орындаймыз. Сабағымыздың басында осы Әнұранды орындадық. Әнұранның сөзін Жұмекен Нәжмеденов және Елбасымыз Нұрсұлтан Назарбаев жазған.
  

• 
  Балалар, біз бүгін сендермен Қазақстан Республикасының рәміздерімен таныстық. Қане қайталап өтейікші!(Слайд бойынша қайталату)
  
• 
  Бұл – ту. т.б.
  
• 
  Балалар, біз бүгін Отанымыздың үлкен екенін білдік және оның рәміздерімен де таныс болдық.Отанымыздың көркейюіне өз үлесімізді қосуымыз керек. Ол үшін біз әдепті, тәрбиелі, білімді болуымыз керек.
  

• 
  Балалар, сендер бүгінгі сабаққа өте жақсы қатыстыңдар. Әсіресе ..., ... -ды ерекше атап өтуге болады. Ал бүгінгі біздің көмекші қыран құсымыз сендерге риза болып, рахметін айтады. Және ол жай келмеген екен сендерге арнап өзінің аз ғана сыйлығын ала келіпті.(сыйлықтарды тарату)