Сабақтың мақсаты : Бейнелеу өнерінің түрлері мен жанрлары, соның ішінде сәулет өнері туралы түсінік беру

Сәулет өнері туралы түсіндіріп, көз алдына елестету арқылы есте сақтау, еске түсіру қабілеттерін дамыту

Өнерді бағалай білуге, сәулет өнерін жалғастыруды сезіне білуге тәрбиелеу

1.Оқулықтарын, сурет дәптерлерін әзірлеу

2.Сабаққа назарын аудару

Психологиялық дайындық

Зәулім үйді көрдің бе?

Зәулім үйге ендің бе?

Құлпыртқан кім ол үйді?

Соған көңіл бөлдің бе?

Үйге берілген тапсырманы тексеру.

Бекіту сұрақтары

1.Мүсін дегеніміз не?

2.Мүсін түрлерін атап бер

3.Қазақстандағы қандай белгілі мүсіншілерді білесің?

4.Бюст дегеніміз не?

5.Мүсін жасауға қажетті құралдарды ата

6.Оқушылардың мүсін жасауда пайдаланатын материалдардың негізгі түрі

Жаңа сабақ

1.Мақсат қою, сабақтың тақырыбын хабарлау, мақсатын айту

2.Кіріспе әңгіме (сұрақ-жауап)

Сәулет өнері дегеніміз – адамдардың өмірі мен қызметіне қажетті материалдарды ортаны құрайтын сәулет құрылыстар.

Сәулет өнері адамдарды рухани, яғни эстетикалық тұрғыдан қалыптастырады. Қазіргі қоғамдағы адамдар сәулетті де салтанатты өмір сүргісі келеді.Сондықтан сәулет өнері әрқашан да дамып отырады.Біздің заманымыздан бірнеше ғасыр бұрын –ақ Греция мен Римде сәулет өнері жақсы дамыған.Сол кезде Афинии шаһарының ортасындағы биік шоқының басына мәрмәр тастан Акраполь салынды.Акраполь – грек қалаларының биік жерде салынған бөлігі.Ғасырдан ғасырға мұра болып келген сондай сәулет өнері туындылары архитектуралық ескерткіштер қатарына жатады.Ол ескерткіштер сол дәуірдің құрылыс салу тәсіліне сай бүтін – пішіні бар белгілі бір үлгімен салынған.Дүние жүзі халықтарының сәулет өнеріндегі өзіндік ерекшелігі ең алдымен қоғамдық даму сатысына мәдени өркендеуіне және тұрмыс салты мен ұлттық дәстүріне байланысты қалыптасқан.Сәулет өнері деген ғимараттар мен құрылыстар Собор салу ғана емес сонымен бірге адам баласының өмір тіршілігіне қажетті ортаны ұтымды ұйымдастыра білу өнері.Ежелгі грек суретшілері салған ғибадатханалар өзіндік сұлу пішінмен көз тартады.Рим өздерінің көрікті сәулет өнерімен әлемге танылды.Италия Римдегі Әулие Петр соборымен алаңын салу ұзақ жолдарға созылды.Собор ренессанс үлгісінде 17 ғасырда салынған. Бұл собордың ерекшелігі алып тұлғасымен әдемі салтанаттылығында.+ Россия Петербургте 18 ғасырда ірге көтерген.Қысқы сарай ғимараты баракко үлгісімен салынған. Баракко үлгісінің ерекшелігі бай нақышында жатыр.Егер Петербург қаласының орталығын араласаң мүсіндермен безендірілген аркалы бағаналар мен сап түзеген үйлерге кезігесің.Олар бір-бірімен салтанатты жарасым тапқан сәулеттік ансамбльдер болып табылады.Шығыс халықтарының ішіндегі үнді, қытай, жапон елдерінде сәулет өнері өзіндік құрылымдық ерекшелігімен дараланады.Сәулет өнеріне қарап әр елдің тұрмыс тіршілігін , мәдени дамуын көруге болады.Үнді елінде дүние жүзіне әйгілі жеті кереметтердің бірі Тәж – Махал ескерткіші бар. Ол – сәулет өнерінің тамаша туындысы.Ақтау, Алматы, Астана, Атырау т.б қалаларда биік әрі әсем үйлердің бой көтеруі Қазақстандағы сәулет өнерінің елеулі жетістіктері болып табылады.Астана – еліміздің бас қаласы , жаңа қала.Бұндағы жаңадан салынған және салынып жатқан ғимараттар қазіргі сәулет өнерінің ғажайып жетістігін көрсетеді. Алматы жасыл желекке оранған әсем қала.Бұл сәулет өнерінің салтанатты да сәнді ғажайып ғимараттарымен де ерекше көз тартады.Олар мысалы: Цирк, Республикалық оқушылар сарайы, Анкара қонақ үйі, «Арасан» сумен емдеу кешені, Орталық мемлекеттік мұражай т.б Сәулеттік құрылыстың жобасын сызып қағазға түсіретін адамды сәулетші адамды (архитектор) деп атаймыз.

Кел балалар, ойнайық

Ойнайық та ойлайық

Қандай жұмбақ болса да

Шешпей оны қоймайық

Қәне әуелі тыңдаңдар

Асығыстық қылмаңдар

Асықпайық деп жүріп,

Бөгеліп те тұрмаңдар

Жұмбақтар
1.Денесі ағаш

Аяғы қыл

(қылқалам)

2.Қарамын да қызылмын

Қызылмын да ұзынмын

Толып жатқан өңім бар

Қызығатын болыңдар

(бояу қарындаштары)

3.Темір аяқты

Ағаш таяқты

(циркуль мен қарындаш)

Сергіту сәті
Жабырқауды білмейміз,

Жалқаулықты сүймейміз

Біз талапты жас ұлан

Үлгі аламыз жақсыдан

Бір, екі, үш

Дем алайық

Жинап күш

Қолға қалам алайық

Суреттерді салайық

Бейнелейік даланы

Бейнелейік қаланы

1. Сәулет өнері дегеніміз не?

2. Үнді еліне дүние жүзіне әйгілі қандай,сәулет өнерінің туындысы бар?

3. Сәулет өнері жайлы не білесің?

4. Сәулет өнерінің ірге тасы қай елдерде қаланған?

5. Бейнеуде қандай сәулет ескерткіштері бар?

6. Өз елімізде сәулет өнерінің қандай атақты ғимараттарын білесіңдер?

7. Сәулетші деп кімді айтамыз?

Өнерді құрметтеу де үлкен азаматтық міндет.Оны келешек ұрпаққа мұра етіп қалдыру біздің басты борышымыз.

Сәулет өнері

«Манашы орта мектебі »ММ

Пәні: Бейнелеу өнері