Сабақтың мақсаты: Білімділік: Интернет жүйесі туралы жан-жақты мағлумат беру, қазақ тілінде дұрыс айтуға дағдыландыру

Сабақтың тақырыбы: Компьютердің зияны

Сабақтың мақсаты:

Білімділік: Интернет жүйесі туралы жан-жақты мағлумат беру, қазақ тілінде дұрыс айтуға дағдыландыру.

Дамытушылық: ойлау қабілеттерін дамыту,ой-өрісін кеңейту,ауызша сөйлеу мәдениетін өрістету,сөздік қорын молайту.

Тәрбиелік: заман талабына сай жан-жақты, бәсекеге қабілетті болуға тәрбиелеу.

Сабақтың көрнекіліктері: кестелер,тірек сызбалар, таратпалар.

Сабақтың пәнаралық байланысы: орыс тілі, информатика,ағылшын тілі.

Сабақтың барысы:

Сабақ мультимедиялық кабинетте өткізілді.

І.Ұйымдастыру кезеңі. Оқушылармен амандасу. Түгендеу.Оқушыларды сабаққа бейімдеу.

ІІ. Үй тапсырмасын тексеру кезеңі.

ІІІ.Мақсат қою кезеңі. Сабақ мақсатымен таныстыру.

ҮІ.Жаңа сабақ.

Біз сіздермен интернет сөзіне байланысты «Интернет жүйесі» деп аталатын мәтінмен танысамыз. Ол үшін «Жанұя» ойынын ойнаймыз.

Жанұя деген сөзді қалай түсінесіңдер?

(оқушыларды үш топқа жанұяға бөлемін)

Мәтінмен жұмыс істеу үшін жұмыс тобын құрып алуымыз керек. Ол үшін мен сіздерді нөмірлеймін (1,2,3,4).

Бірінші нөмерлі оқушылар №1 жұмыс үстеліне, екінші нөмірлі оқушылар №2 жұмыс үстеліне, үшінші нөмірдегілер №3 жұмыс үстеліне, төртінші нөмірдегілер №4 жұмыс үстеліне жиналып, мәтіннің бөліктерімен жұмыс істейді.Содан кейін қайтадан өз жанұяларына келіп, бір-біріне түсіндіреді, толық мәтін жинайды,жанұяның бір мүшесі мәтінді қорғайды.

(Мәтінді қорғауға сызба,кесте,кластер қолдануға болады).

Интернет жүйесі

Күн сайын біз адамдармен әр түрлі жолмен байланыс жасаймыз. Олар: телефон,ұялы телефон, факс, электронды пошта, интернет. Интернет планетадағы барлық компьютерліқ желілердің басын қосатын дүниежүзілік «өрмекші торға» айналды.

Интернетті көптеген мақсатқа пайдалануға болады. Интернет арқылы әрбір оқушының дистанциялық жобаларға қатысуға мүмкіндігі бар. Интернеттің көмегімен машина, үй сатып алуға , басқа қалалардағы қонақ үйден күні бұрын орын алуға,кино көруге,тіпті басқа елдегі танысыңызбен еркін сөйлесуге де болады.

Өміріміз күн санап дамып, өзгеруде,сонымен бірге қарым-қатынастың түрі де көбеюде. Сөйлесу әрі жеңіл,әрі қарапайым,әрі тез болатын болды.

Ү. Жаңа тақырыпты бекіту.

1-тапсырма.Полиглот ойыны. Термин сөздерді үш тілге аударыңыздар, сөздерді компьютерде басыңыздар.

1.Интернеттен біз не аламыз?

Ақпарат,информация,information

2. Графиктік курсорды басқаратын құрал?

Тышқан, мышь,mouse

3. Ақпаратты шығаратын құрал ?

Баспа,принтер, printe

4.Бір-бірімізбен тез арада не арқылы байланысамыз?

Ұялы телефон,мобильный, mobile

2-тапсырма.Грамматикалық тапсырмалар.

1-топқа тапсырма.

Мәтіннен кез-келген бір сөзді алып, соған фонетикалық талдау жасаңыз.

2-топқа тапсырма.

Мәтіннен бір зат есімді алып септеңдер.

3-топқа тапсырма. Мәтіннен өткен шақта тұрған етістіктерді тауып,келер шаққа айналдырыңдар.

3-тапсырма. Жағдаят ойыны.

-Сіздер компьютерде көп жұмыс істейсіздер ме?

-Компьютерде көп уақыт отырғандарыңды ата-аналарың құптайды ма?

-Ал, Ерболдың жағдайы мүлдем басқа. Ата-анасы үшін үлкен мәселе болып отыр. Шешімін кім айтады?

Жағдаят

Ербол компьютерді өте жақсы көреді.Кішкентай кезінен компьютер сатып алуды армандайтын. Компьютер клубына барып,компьютерде әр түрлі ойындарды үйренеді.

1-топқа Ерболдың мәселесін шешуге болады ма?

Шешімін тауып көріңіз.

2-топқа (жақтаушы топ) компьютердің пайдасын айту.

3-топқа (даттаушы топ) компьютердің зияны туралы айту.

Ү.Сабақты қорытындылау.

Интернет не үшін керек?

Интернеттің қандай қызметтері бар?

ҮІ.Бағалау.

ҮІІ. Үйге тапсырма.