Сабақтың мақсаты: Білімділік:

Отбасы мүшелерінің мамандықтары. Етістіктің шақтары.

Сабақтың мақсаты:

1.Білімділік: «Мамандық» тақырыбын қаншалықты меңгергенін білу, етістіктің шақтарын қайталап, отбасы мүшелерінің мамандықтары туралы әңгімелеу. Білімдерін бір жүйеге келтіріп, өз ойларын еркін, сауатты жеткізуге төсілдіру.

2. Дамытушылық: етістіктің шақтарын қайталау арқылы әр шақтың айырмашылығын іс жүзінде ажырата білуге мен ойлау қабілетін дамыту.

3.Тәрбиелік: әдептілікке,ұйымшылдыққа, бір-бірін сыйлауға, еңбек пен отбасы мүшелерін құрметтеуге тәрбиелеу. Тілге деген қызығушылығын арттыру.

Сабақтың түрі:білімді бекіту сабағы.

Сабақтың әдіс-тәсілдері: интерактивті тақта, әр түрлі мамандық иесінің суреттері,сөзжұмбақ шешу,мәнерлеп оқу, деңгейлік тапсырмалар орындау, мазмұндау.

Пәнаралық байланыс: әдебиет.

Сабақтың барысы:

I. Ұйымдастыру кезеңі:1.Cәлемдесу.

- Сәлеметсіздер ме, балалар! Бүгін бізде ерекше сабақ. Біздің сабаққа қонақтар келіп отыр. «Қош келдіңіздер! » - дей отырып, мен бәрімізге жақсы көңіл-күй тілеймін.

- Ал сендер бір-біріңізге не тілейсіңдер?

Жауап:

- Мен бәріңе төзімділік тілеймін!

- Мен бәріңе шыдамдылық тілеймін!

- Мен бәріңе зеректік тілеймін!

- Мен бәріңе сәттілік тілеймін!

- Мен бәріңе сыйластық тілеймін!

Мұғалім:

-Біздің мемлекетіміз қалай аталады?

-Қазақстан Республикасы.

-Қазақстан қандай мемлекет?

-Егеменді, тәуелсіз, бай, астықты өлке.

-Тәуелсіздік деген ұғымды қалай түсінесіңдер?

-Өзіміздің рәміздеріміз,астанамыз, елбасымыз, төл теңгеміз, мемлекеттік тіліміз бар.

- Биыл Тәуелсіздігіміздің неше жылдығын тойладық?

- Тәуелсіздік алғанымызға биыл жиырма жыл толды.

- Балалар,біз егеменді елімізді көркейту үшін көп жұмыс стеуіміз керек.Сендердің ата-аналарың, аға-апаларың жұмысқа барады.

-Жұмыс істеу үшін бізге не керек?

-Мамандық алу керек.

-Ал, мамандық алу үшін не істеуіміз керек?

- Мамандық алу үшін көп оқу керек.

2.Сабақтың мақсатын, барысын айту.

• 
  Біз бүгін сабақта сыйлы адамдар, мамандық иелері, ата-аналарымыздың, туған- туысқандарымыздың мамандықтары туралы сөйлесіп, етістіктің шақтарын қайталаймыз.
  

Отбасы мүшелерінің мамандықтары.Етістіктің шақтарын қайталау.

Қызығушылықты ояту:

Фонетикалық жаттығу.

Жүр көңілін маған бөліп,

Ұстаздар мен ата-анам.

Алдымен мен адам болып,

Сосын маман атанам.

• 
  Бұл өлеңде не туралы айтылған?
  

«Маман» сөзді буынға бөліп,түрлерін ажырат, дыбыстық мінездеме бер.

Сатылай комплексті талдау бойынша:

Берілгені: Маман.2 буын.(1- ашық,1- бітеу)

2 (а)

5 О=-----------

«Маман» сөзінде бес дыбыс бар.

Оның екеуі дауысты дыбыс.(жуан дауысты)

Оның үшеуі дауыссыз дыбыс.(үнді дауыссыз дыбыс)

II.Үй тапсырмасын тексеру.

1- тапсырма.

Тұманбай Молдағалиевтың «Мамандық таңдау» өлеңінен ұнаған бір шумағын жатқа айтып келуге берілді.

(Оқушылар өлеңдерін мәнерлеп жатқа айтады.)

1.

- Мен инженер боламын

Жолын қуам әйгілі,

Академик ағаның.

2.

- Мен дәрігер боламын,

Қиналғанда қасына

Бірінші боп барамын.
3.

- Ал мен ақын боламын,

Сусындаған қаламым.

Адамдардың жүрегін

Жырмен жаулап аламын.

4.

- Бәріміз де жейтұғын

Көтеруге ел туын,

Қуат керек, әл керек.

Нан беретін баршаға,

Жер маманы болам мен.

Барып жүрмін бақшаға

Агроном ағаммен

Гүл егемін жеріме-

Осындай ой бар менде.

Жер жемісін еліме,

Сыйлап өтсем арман не?

5.

- Арман қуып жасынан,

Ұшқыш болды жас ұлан,

Аспанда еркін самғаған.

6.

-Атқан таңмен құшақтап,

Маңдай тері бұршақтап,

Айтқан шырқап дән әнін,

Капитаны даланың

Комбайыншы боламын.

7.

-Іш ауырса, тіс ауырса,

Барлық бала, барлық ана,

Оны жақсы көреді.

Мен дәрігер болғым келеді.

8.

- Зәулім мектеп, алаңды,

Балалардың бақшасын

Құрылысшылар салады.

Мен құрылысшы болғым келеді.

9.

-Тоқтықтың бар торқауы,

Аспаз бола алмайды

Адамдардың жалқауы.

Мен аспаз болғым келеді.

10.

- Бас бітімін адамның,

Мен шаштараз болармын,

Баппен шашты алармын.

2- тапсырма. (Ауызша)

Мұғалім:

-Өткен сабақтардағы тақырыптарды есімізге түсірейік.

-Отбасы мүшелеріне кімдер жатады?

-Ата, әже, шеше, әке, аға, апа, іні, қарындас, сіңлі.

- Балалар, сендер қандай мамандық түрлерін білесіңдер?

Топтастыру.

(Дәрігер, мұғалім, құрылысшы, наубайшы, етікші, әнші, биші, сатушы, заңгер, іскер, жұмысшы, суретші, тәрбиеші,кітапханашы, тілші, жүргізуші, дизайнер, ұшқыш, менеджер,дәнекерлеуші, күзетші,машина жөндеуші, тазалаушы.)

3- тапсырма. Сөзжұмбақ шешу.

Берілген сөйлемдерді толықтырып, қызыл тор көздегі әріптерді оқимыз.

1.Дәрігер адамдарды …........

2.Жерді .......... жыртады.

3.Наубайшы нан ..............

4. Оқушы мектепте .... оқиды.

5.Тігінші киім ..........

6.Кітаханашы ........ береді.

- Қызыл тор көзде қандай сөз шықты?

- Етістік.

-Балалар, ата-аналарыңыз, туған- туысқандарыныз кім болып жұмыс істейді? -деген сұраққа жауап беру үшін, етістік пен олардың шақтарын қайталап алуымыз керек.

4-тапсырма.

«Сызбаны сөйлет» ойыны.

-Етістік нені білдіреді?

-Етістіктің неше шақтары бар?

-Осы шақ қандай сұраққа жауап береді?

- Осы шақ қалай жасалады?

- Келер шақ қандай сұраққа жауап береді?

-Келер шақ қалай жасалады?

-Өткен шақ қандай сұраққа жауап береді?

- Өткен шақ қалай жасалады?

-Кестеге көңл аударайық.

Етістіктің шақтары

III.Жаңа сабақ.

1- тапсырма.

Мәтінмен жұмыс :

1.Мәтінді тізбектеп мәнерлеп оқу;

2.Мәтінді орысшаға аудару;

3.Мәтіннен етістіктерді тауып, қай шақта тұрғандарын анықтау.

Менің отбасы мүшелерімнің мамандықтары.

Біздің отбасымыз үлкен. Олар: атам, әжем, әкем, шешем, ағам, қарындасым және мен. Атам мен әжем –зейнеткер. Әкем ұшқыш болып жұмыс істеп жүр. Ол ұшқыштар мектебінде оқыды. Шешем-мұғалім. Ол мектепте жұмыс істеп жүр. Ағам –студент. Болашақта дәрігер болады. Қарындасым кішкентай. Ол балабақшаға барып жүр. Мен бесінші сыныптың оқушысымын. Біздің отбасымыз тату.

2-тапсырма.103-бет.

Кесте бойынша әңгіме құрастыру.

(Оқушылар өздері жасаған слайдтары бойынша отбасы мүшелерінің мамандықтарын әңгімелейді. )

Мұғалім:

IV.Білімді бекіту.

3-тапсырма

Сурет бойынша жұмыс:

- Жақсы, балалар. Енді алдарыңдағы тапсырмаға қараңдар.

-Балалар, берілген слайдтарға көңіл аударайық.Слайдтардағы суреттерге етістіктің үш шағының сұрағын қойып, жауап берейік,дәптерлерімізге жазайық.

-Мұғалім (не істейді?не істеп жатыр?не істеді?) ( оқыт…..)

-Аспаз (не істейді?не істеп жатыр?не істеді?) ( даярла…)

-Тігінші (не істейді?не істеп жатыр?не істеді?) ( тік…)

-Дәрігер (не істейді?не істеп жатыр?не істеді?) ( емде...)

-Құрылысшы (не істейді?не істеп жатыр?не істеді?) ( сал...)

-Сатушы (не істейді?не істеп жатыр?не істеді?) (сат....)

-Биші (не істейді?не істеп жатыр?не істеді?) (биле...)

4- тапсырма.

Сергіту сәті.

Мұғалім:

(Оң қолыңды көтер.)

-Кімге инженер мамандығы ұнайды?

(Сол қолыңды көтер)

-Кім өзің жақсы көреді, тұрыңдар.

-Қане, құрылысшы болып үй салайық.

-Футболшы болып жүгірейік.

-Шахтер болып көмір лақтырайық.

-Қанеки, тік тұрыңдар. Отырыңдар.

5- тапсырма.Кәртішкімен жұмыс:

Дидактикалық ойын: «Кімге не қажет?»

Ойын шарты бойынша мамандық иелеріне қажетті заттардың аты жазылған карточкаларды көрсетемін, оқушылар мамандық атауын айтады.

Тігінші- жіп,ине,мата,......

Құрылысшы- кірпіш, күрек, қалақ,құм,....

Шаштараз- қайшы, тарақ, фен, орамал,...

Суретші-бояу,қарындаш,қылқалам,ватман,..

Аспаз-пышақ,тақтайша,ожау,табақ,сүзгі,......

Дәрігер- дәрі, мақта, мәрлі, ақ халат,........

6-тапсырма.

Сөйлемдерді дұрыс құрастыру:

1.Мамандықтардың ,керек, барлығы,адамға.

2.Мамандықтар, жақсы, қызықты, барлық.

3.Ұнаған,таңдап алады, адам, әр, өзіне, мамандықты.

Дұрыс жауабы:

1.Адамға мамандықтардың барлығы керек.

2.Барлық мамандықтар жақсы,қызықты.

3.Әр адам өзіне ұнаған мамандықты таңдап алады.

7- тапсырма.

Енді,еңбек туралы мақалдарды есімізге түсірейік.

(Оқушылар білетін мақал- мәтелдерін айтады.)

-Еңбек түбі –береке, көптің түбі-мереке.

-Еңбек қылсаң ерінбей, тояды қарның тіленбей.

-Еңбек адамды жөндейді, жалқаулық түтіп жейді.

- Ер дәулеті-еңбек.

- Оқу-еңбек.
IV.Қорытынды.

Сабақта не ұнады? Нені білдік? Нені үйрендік?