Сабақтың тақырыбы: «Қыс» Міржақып Дулатов Сабақтың мақсаты: Білімділік



Дата31.12.2019
өлшемі104.86 Kb.
түріСабақ
«№ 91 Негізгі орта мектеп»КММ

Сынып мұғалімі: Маратова Сауле Маратовна

Сынып: 2 «А»

Пәні:Әдебиеттік оқу

Күні: 03.12.2014ж


Сабақтың тақырыбы: «Қыс» Міржақып Дулатов
Сабақтың мақсаты:
Білімділік: Оқушылардың білім, білік дағдыларын қалыптастыру.Автормен таныстыру. Оқушыларға қысқы табиғат құбылысы туралы және адамдар мен жануарлар жайлы түсінік беру.
Дамытушылық: Қыс туралы алғашқы білімдерін толықтыра отырып, қысқы даланы, қысқы орманды сипаттай білуге, көркем сөздер топтамасын жинақтай білуіне жағдай жасау. Оқушылардың шығармашылық қиялын, ой - өрісін арттыру, сөздік қорын молайту.
Тәрбиелік: Табиғат көріністерін тамашалау, әр жыл мезгілінің кереметін байқау арқылы оны бағалай білуге тәрбиелеу.
Сабақтың түрі: Топтық жұмыс
Сабақтың типі: Жаңа білімді меңгерту сабағы
Сабақтың әдіс - тәсілдері: Түсіндіру, сұрақ - жауап, топтастыру, іздену.
Сабақтың көрнекіліктері: Қыс келбеті суреттері, автор портреті, ойынға қажетті суреттер мен сызбалар, интерактивті тақта.
Пәнаралық байланыс: Дүниетану, Қазақ тілі

Сабақ барысы: I.Ұйымдастыру кезеңі
- Оқушыларды түгендеу
- Оқу құралдарын тексеру

II. Үй тапсырмасын тексеру
1. Туған жер туралы жыр ертегісінде әнші құс неліктен ән салуын тоқтатты?
2. Император ертегі соңында нені түсінді?
3. Император сөзінің мағынасы.
Психологиялық кезең: Қызық өрік әнін қимылмен көрсету.

Топқа бөлу, топтың ережесімен таныстыру.
а) Қызығушылықты ояту:
- Балалар өз туған жерлерің туралы айтыңдаршы?
- Қазақстан қандай мемлекет?
- Тәуелсіз.
- Біз тәуелсіздік мерекесін қай күні тойлаймыз?
- 16 желтоқсан
- Табиғатта неше жыл мезгілі бар және қандай?
- Қыс, көктем, жаз, күз.
- Қазір бізде қай жыл мезгілі?
- Қыс мезгілі.
- Қыс айларын кім атап береді?
- Қыс мезгілінің алғашқы айы?
- Желтоқсан айы.
- Желтоқсан айының алғашқы күні қандай мереке?
- Президенттің сайланған күні.
Біз көктем туады, жаз шығады, ал қыс келеді дейміз. Не себепті қыс келеді дейміз?
- Өйткені тіршілік иелері қыс келеді деп оған дайындалады. Азық жинайды, отын - шөп дайындайды, құстар да дайындалады. Қыс келеді дегенде адамда қорқыныш сезімі пайда болады. Себебі қыс өзінің қатал мінезімен келеді. Ал бір жағынан қуаныш сезімі пайда болады. Балалар асыр салып ойнайды.

- Ал, енді балалар, біз сабағымызды бастамас бұрын сөзжұмбақ шешіп аламыз.
1. Қыс мезгілінің бірінші айы. (Желтоқсан)
2. Қайқы тұмсық, қос табан,
Қос таяқпен ұштаған (Шаңғы)
3. Бас қала. (Астана)

III.Жаңа сабақ
Ендеше, бүгінгі біздің сабағымыздың тақырыбы «Қыс» екен. Ақын Міржақып Дулатовтікі.

Сабақтың мақсатымен таныстыру:

ә) Мағынаны тану: Ақын туралы мәлімет.
Міржақып Дулатұлы (1885 — 1935) — қазақтың аса көрнекті ағартушысы, қоғам қайраткері, ақын, жазушы, жалынды көсемсөз шебері. Өмірбаяны Туған жері — Сарықопа уезінің, Торғай облысының үшінші ауылы (қaзipгi Қостанай облысының Жанкелдин ауданына қарасты "Қызбел" ауылы). Әкесі — Дулат аймағына аты шыққан шебер кісі болған, ер тұрман жасап, етік, мәсі тіккен. Шешесі — Дәмеш ойын тойдың базары, әнші кісі болған. Әкесі балаларын жастайынан оқуға береді. Алғашқыда бала Міржақып ауыл молдасынан оқып, хат таниды. Молдадан екі жыл оқығаннан кейін, 1897 - 1902 жылдары, ауыл мектебінде орысша оқытатын Мұқан мұғалімнен дәріс алады. Бұл мектеп Міржақыптың білімін толықтырумен қатар, азамат ретінде қалыптасуына да аса зор ықпал жасайды, Мұқан мұғалім ұлы ағартушы Ыбырай Алтынсарин іргетасын қалаған оқу орнының, дәлірек айтқанда, Торғай қаласындағы уездік орыс - қазақ мектебінің түлегі болатын. Өз шәкірттеріне де ол осы рухта тәлім - тәрбие, терең білім береді. Міржақып анасынан екі жасында, әкесінен он екі жасында айырылып, ағасы Асқардың қолында тәрбиеленеді. Асқар әкесі Дулаттың Міржақыптың оқып, білімді азамат болып, өсуін армандаған тілегіне сай, інісінің оқуын әрі жалғап, білім алуына ерекше көңіл бөледі.

Бүгінгі біз Міржақып Дулатовтың «Қыс» әңгімесімен танысамыз.



IV. Оқулықпен жұмыс «Кубизм» стратегиясымен

( үш топқа маркер, қағаз таратып беру)
- Мәтінді түсіндіріп беремін.
- Әр балаға оқытамын.
- Әр топ мәтінді оқып түсіндіреді.

Сұрақтар:
1. Мәтін дегеніміз не?
2. Сипаттау мәтіні дегеніміз не?
3. Бірінші бөлімде жазушы қай мезгілді суреттеген?
4. Қысқы орман сипатын тауып оқы.
5. Үшінші бөлімде қыстың қай кезеңін суреттеген?
6. Төртінші бөлімде қыстың қай кезеңін суреттеген?
- Балалар мәтінде бізге таныс емес қандай сөздер берілген?

V.Сөздік жұмыс
Бек қиын – өте қиын
Шилі бет – бетін үсік шалған

Бапсыз – жайсыз

Жалтаң аяз – үскірік, суық аяз

Қарыған – үсіткен

Сұрақтар:
I топ- Қыс мезгілінде қандай өзгерістер болады?
II топ- Қыс мезгілінде қандай жануарлар ұйқыға кетеді?
III топ- Қыс туралы қандай өлеңдер білеміз?
- Балалар қыс мезгілінде аппақ қар жауады. Қар - қыста жауатын, ақ түсті кристалдардан тұратын атмосфералық жауын - шашын. Қардың да бірнеше түрлері бар екен.
Ақша қар – жаңа жауған таза қарды айтамыз.
Жапалақ қар – ірі түйіршікті қар.
Мұздақ қар – үстін мұз торлаған, көкшіл түсті, беті жылтыр сырғанақ қар.
Ұлпа қар – жеңіл үлпек қар
VI. Сергіту сәті ( Қызыл өріктің әнімен қимыл жасау)
VII.Дәптермен жұмыс
1. Жазушының қысты сипаттау ретін көрсет.
1. Нағыз қыс.
2. Қысқы орман.
3. Үй жануарларының қыстағы көретін қиыншылығы.
2. Желтоқсан айын сипаттап бес жолды өлең жаз.
Қыс
Ызғарлы, суық
Суытады, мұздатады, қатырады
Алақай, жаңа жыл келді! (Лепті сөйлемнің ережесін сұраймын)
Қар

Балалар, қазір біздің алдымызда бөгеттер тұр екен. Осы бөгеттерден өтсек, қызықты «Қыс еліне» келіп ойын ойнаймыз.



VIII. «Қалың қар» бөгеті

6 ойлау шляпасымен топқа тапсырма беру

Ақ түсті – фактілер, мәліметтерді нақты (Қыста күн суық болады. Қар жауады. Боран соғады. Қыста адамдар жылы киім киеді)

Қызыл түсті – ішкі сезім, эмоциясын білдіру

Көк түсті – жоғары деңгейде жалпы көзқарасты қортындылайды
IХ. «Қарлы бұрқасын» бөгеті

Мына әріптерден сөз құрап, әр топқа тапсырма беру

I топ - «Қыс» топтастыру

II топ – «Қар» түрлерін топтау

III топ – «Қысқы тіршілік» топтастыру



Х. «Мұздық» бөгеті

(Берілген ұйқасы бойынша өлең шығару)

................, балалар, (жүріңдер)

................. тебейік. (сырғанақ)

.................. жауып тұр, (қар)

.................. көрейік. (қызығын)
б) Ойтолғаныс

ХI. «Қыс еліне» келу


I топ: «Аққала» ойынын ойнатамын.
Ойын мақсаты: Бұзылған аққала берілген. Аққаланы құрастыру үшін әр бөлшегінде сұрақтар бар. Сол сұрақтарға жауап беріп аққала құрастырамыз.
1. Қыс мезгіліндегі өзгерістерді ата. - Аяғы
2. Бірінші бөлімде жазушы қай мезгілді суреттеген? - Денесі
3. М. Дулатов кім? - Қолдары
4. Қандай қысқы ойындарды білесің?- Басы
5. Қардың қандай түрлерін білесің?- Қалпағы

II топ: «Шырша безендіру» ойыны.
- Балалар біз желтоқсан айындағы тағы қандай мерекені білеміз?
- Жаңа жыл мерекесі.
- Жаңа жыл мерекесінде нені безендіреміз?
- Шыршаны.
- Олай болса, біз қазір шыршаны безендіреміз.
Ол үшін ойыншықтар артындағы сұрақтарға жауап береміз.

Сұрақтар:
1. Бек қиын сөзінің мағынасы.
2. Шырша сөзіне сөйлем құра.
3. Ескі қандай жылды шығарып саламыз? (жылқы)
4. Қыс мезгілінде ұйқыға кететін қандай жануарды білесің?
5. Қыс мезгілінде қоян қандай түсті киім киеді?
III топ: «Қар қиыршықтары» ойыны

(тақтаға жапсыру аққаланың жанына)

Сұрақтар:

1. Қысқы орман сипаты қай бөлімде айтылған?

2. Қысқы жануарлардың тіршілігінде қандай қиындық болуы мүмкін?

3. Мәтін неше бөлімнен тұрады?

4. Мәтін дегеніміз не?
ХII. Рефлексия

  • Не білдім?

  • Не үйрендім?

  • Не білгім келеді?
    Бағалау
    Әр топ Өз - өздерін бағалау.

    Үй тапсырмасы: Міржақып Дулатов туралы мәлімет жинау.
    Қыс мәтінін мазмұндап келу, өлең шығару.

Каталог: files -> loader
loader -> Бастауыш білім беру деңгейінің ОҚу пәндері бойынша үлгілік тақырыптық жоспарлары
loader -> №23 орта мектебінің қазақ тілі және әдебиеті пәнінің мұғалімі
loader -> Шығыс Қазақстан облысы Аягөз ауданы Сандықтас қонысы көрнекті ақын. Өлеңдері ел ішінде көп тараған. Дулат шығармалары негізінен дидактикалық негізде жазылған
loader -> Сабақтың тақырыбы: Абай шаңырағы Сабақтың мақсаты
loader -> Рассказ. Б. Комеков, С. Утениязов. «Шокан Уалиханов». Рассказ. Ж. Касымбаев. «Абылай хан»
loader -> Сабақтың мақсаты: Оқушыларды ақын өмірбаянымен
loader -> Ануарбек Дуйсенбиев «Зима в лесу»
loader -> Қарағанды тарландары


Достарыңызбен бөлісу:




©engime.org 2020
әкімшілігінің қараңыз

    Басты бет