*Топтарды таныстыру. І топ: «кескіндеме»
ІІ топ: «графика»
ІІІ топ: «дизайн»
ІІ. Кіріспе. Біз, қай заманда өмір сүрсек те, адам өміріндегі ең негізгі іс - ол еңбек болмақ. Еңбексіз өмір жоқ. Оны күнделікті өздеріңнің ата-аналарыңның тынымсыз еңбектерінен байқауға болады. Дана халқымыз «Баланы бастан» деген нақылды бекер айтпаса керек. Тәлім-тәрбие алуда, теңіздей терең білімді игеру де еңбекпен байланысты. Еңбек үстінде адам шыңдалады, икемделеді, шеберлігі артады және де ойлау қабілеті, шығармашылығы дамиды.
- Шебер адам қандай болу керек деп ойлайсыңдар?
(ынталы, шебер, талапты, шыдамды, шығармашыл, икемді, ұқыпты, т.б.)
Осы жақсы қасиеттерді біз көркем еңбек пәні арқылы үйреніп, бойымызға сіңірудеміз. Ендеше, сол пәннен алған білімімізді ортаға салып, шеберлігімізді көрсетейік.
Құрметті ұстаздар, 3-сыныпта өткелі жатқан көркем еңбек пәнінен «Шеберлікте шек жоқ» тақырыбындағы сыныптан тыс жұмысқа қош келдіңіздер! Сабақ 3 топ арасында сайыс түрінде өтеді.
Сайыскерлерімізге сәттілік тілеймін.
