ПӘН БОЙЫНША ДӘРІСТЕРДІҢ КОНСПЕКТІСІ

Экология ғылымының ең басты мақсаты-биосфера шегіндегі ғаламдық проблемаларды бақылай отырып ондағы тіршіліктің тұрақтылығын сақтау.Адам, қоғам, табиғат арасындағы қарым-қатынастарды үйлестіре отырып ,табиғат ресурстарын тиімді пайдалануды адамый-нооэкологиялық тұрғыдан негіздеу.

Экология ғылымының зерттеу нысаны-биологиялық және географиялық микро және макроэкожүйелер (түр, популяция, биоценоз, экожүйелер) мен оның уақыт пен кеңістікке қатысты тіршілік ырғағы (динамикасы).

Экология ғылымының негізгі зерттейтін мәселесі

-ағзаның бір-бірімен қарым-қатынастары мен қоршаған табиғи ортасы;

-биоценоз, экожүйелердегі уақыт пен кеңістікке байланысты туындайтын өзгерістер;

-табиғат ресурстары ,оны тиімді пайдалану және қорғаудың ғылыми-теориялық негіздері;

-адам, қоғам, табиғат арасындағы байланыстырды реттеу;

-биосфера шегіндегі географиялық заңдылықтардың тұрақтылығын сақтауды қамсыздандыру;

-биосферадағы тіршілікті қалыпты сақтауды ғаламдық -нооэкологиялық деңгейге көтеру;

-көпшілікке үздіксіз экологиялық білім мен тәрбие беру және экологиялық мәдениетін, әдет-ғұрпын қалыптастыру;

-экологиялық қауіпсіздікті сақтау болып табылады,

2. Экология ғылымының өз деңгейіне көтерілуі XIX ғасырдың аяғы мен XX ғасырдың басы болып саналады.

Экология ғылымының қалыптасуын негізгі 3 кезеңге бөледі;