Батыс Қазақстан облысының экологиялық мәселелері.
Батыс Қазақстан аумағында 1966-1979 жылдар аралығында 24 рет ядролық қару сыналған. Соның ішінде Азғыр полигоны ғана 6,1 мың га жерді алып жатыр. Осы аймақтарда радиактивті заттардың шекті рауалы мөлшері (кадмий, стронций, қорғасын) бірнеше есеге көбейіп кеткені анықталған. Мұндай сынақтар Үстіртте де 1968-1970 жылдары жасалған. Сол сияқты ірі полигондар қатарына Атырау облысының Тайсойған, балқаш көлі маңында Сарышаған, Ташкент-4 сынақ алаңдары мен Байқоңыр ғарыш айлағы да жатады. Сынақтар кезінде апатқа ұшыраған ракеталар, соғыс техникалары қоршаған ортаға өте қауіпті.
Қарашығанақ мұнай газ конденсаты Ақсай қаласының солтүстігінде 25 км қашықтықта орналасқан. Кен орны 1979 жылы ашылды. Оның ауданы 30 000 га, мұнай-кен конденсат – 1200 млн.т , газ 1350 млрд. м3-тан астам.
Ресейге Орынбор мұнай өңдеу зауытына ұзындығы 130 км құбыр салынып, газ бен конденсатын экспортқа шығаруға байланысты, оны өндіру 1984 жылы басталды. 40 жылға есепелген оның өнімін бөлісу, кен орнын пайдалану және болашақта өндіруді қамтитын келісімге (ОСРП) 1997 жылы қол қойылды. Келісім ҚР-мен бірлескен кәсіпорын компаниялары Аджип (32,5%), Бритиш газ Интернешнл (32,5%), Тексако (20%), Лукойл (15%), аралығында құрылды.
Достарыңызбен бөлісу: |
