Сабақтың барысы:
5 "Т" ұстанымын еске түсіру
1. Тәртіп
2. Талап
3. Тыныштық
4. Тазалық
5. Татулық
Ұйымдасытру кезеңі. Сабақты жағымды күйге келтіру Оқушылардың құрал- жабдықтарын түгендеу
Тыныштық сәті. Нұрға бөлену:
Баяу әуен ойнап тұрады.
Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.
Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.
Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.
Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».
Осындай Нұр, Махаббат және Тыныштық күйінде отыра тұрыңыз...
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.
Жаймен көзіңізді ашуға болады.
Рахмет.
Үй тапсырмасын тексеру
"Менің достарым" тақырыбына әңгіме құрап келу. Оқылықтағы сурет бойынша 29 бет
Сұрақтарға жауап береді:
Сенің досың кім?
"Дос"- деген сөзді қалай түсінесің?
Досыңа қандай қамқорлық жасадың?
Жағымды ой-пікір (дәйексөз)
"Доссыз адам-жапырақсыз ағашпен тең"
Сұрақтар:
Жапырақсыз ағаш деген сөзді қалай түсінесіңдер?
Ағаш жапырақсыз қандай күйде болады екен?
Достық дегенді қалай түсінесіңдер?
Оқиға айту (Әңгіме) "Екі дос" аңыз
Ертеде, елімізде жауынгершілік жиі болатын кезде, қазақтың екі жауынгері төс қағысып дос болады. Кенет тұткиылдан жаудың қалың қолы шабұыл жасап, елдің мал мүлкін тонап, азаматтарын айдап әкетеді. Досының қолға түсіп қалғанын естіп екінші батыр, күздің қара суығын елеместен, өзенді малтып өтіп, жау жатқан жағаға келеді. Анталаған жау әскері оны бас салып ұстап, тұтқынның сұрауымен қолбасына алып келеді.
Жігіт қолбасына:
- Мен қолдарыңа түскен бір жауынгерге құн төлеп, сатып алуға келдім. Бірақ менің беретін мал-мүлкім жоқ, тек өмірімді ғана бере аламын. Өмірімді алып, досымды босатыңдар, - деп өтінеді.
Қолбасы:
-Жарайды, мен сені қыршыныңнан қимай-ақ қояйын. Маған сенің көздерің керек, екі көзіңді ойып аламын, - дейді оған.
- Олда болсын, көзімді ал да, досымды босат, - дейді жігіт.
Жау жағы оның екі көзін ойып алып, досын тұтқыннан босатады.
Әлгі жігіт тұтқыннан босаған досының иғына қолын салып, күлімдеп келе жатқан екен.
Мұны көрген жаудың қол басы: "Мындай ерлері бар халықты бетпе-беп ұрсыста жеңу қиын екен" - деп шешіп, әскерлеріне кейін шегінуге бұйрық берген дейді.
Мазмұнын ашу.
Достардың бір -біріне деген адал ниеті мен достығын қалай бағалар едің?
Шығармашылық жұмыс, топпен жұмыс
1 топ - Мақал мәтелдерді жалғастыр:
Жүз теңгең болғанша ..................................... (жүз досың болсын)
Дос болсаң берік бол, ................................... (досыңа серік бол)
"Дос" деп сынамай сыр айтпа, .............. (достың да досы бар)
2 топ - Ребусты шеш: (Достық)
 , ,,  ,, ,,, 
3 топ- Сахыналық қойылым:
Ертеректе ел ішінде Әйтімбет деген сөзге шешен кісі болыпты. Бір отырыста Әйтімбет шешенге замандастары: “Достық нешеу?” – деп сұрақ қояды. Сонда Әйтімбет тұрып:
- Достықтың екі түрі болады. Бірі адал достық, екіншісі амал достық.
- Дұрыс-ақ. Енді оларды қалай ажырата аламыз? – дегендерге:
- Адал достық – өмірлік нұсқа болады, амал достықтың өрісі қысқа болады, – деп жауап берген екен Әйтімбет.
Жүрекшемен жақсы тілек айтады бір біріне
Топпен ән айту "Дос болайық бәріміз" (минус қосамын)
Әрқашан дос, біргеміз,
Ажырамас іргеміз.
Ілгері жүріңдер,
Достық жырын біліңдер.
Туғып ұстап бірлікті,
Еңбекті сүйіңдер!
Қайырмасы:
Дос болайық, бәріміз
Жарасып тұр әніміз.
Тыныштықты сақтаймыз, сақтаймз
Атсын күліп таңымыз.
- Балалар біз әрқашан өз ара дос болуымыз керек.
Достығымыз бірлесе берсін.
Үй тапсырмасы Оқулықтың 31 бетіндегі сурет бойынша, кім кімнің досы екенін тап?
Сабақтың қорытынды сәті
- Ал енді балалар, бір минут тыныштықта бүгінгі сабақта өткен, досыңа деген сүйіспеншілікті жүректеріңнен өткізіңдер. Достықтарың берік болсын.
|
Сабақ барысын талдау:
|
