КАЛЬКАЛАУ ТӘСІЛІМЕН ЖАСАЛҒАН ЖАҢА АТАУЛАР Жаңадан жасалған терминдер мен жалпы тілдегі атаулар қазіргі термин шығармашылығында, сөзжасам үдерісінде калька тәсілі өте өнімділік танытып отырғаны байқалады. Мына төмендегі атауларға назар аударып көрелік: Ашық есік күні (день открытых дверей), ашық қоғам (открытое обществ), Бір терезе (одного окно), сауда нүктесі (торговая точка), сенім телефоны (телефон доверия), үлкен сегіздік (большая восемерка), айлық есептік көрсеткіш (месячный расчетный покозатель), әлжуаз жіктер (уезвимые слои), ғаламдық жылыну (всемирное потепление), дыбысжазғыш құрылғы (звукозаписывающое устройство), дыбыс күшейткіш (звукоусилитель), елтаным (страноведение), жол-көлік оқиғасы (дорожно-транспортное происшествие), жүйеқұраушы (системаобразующий), зымырантасығыш (ракетаноситель), көлік құралы (транспортное средство), қауіпсіздік белдігі (ремень безопасности), өмірсүйгіш (жизнелюб), тауарөндіруші (товаропроизводитель), төлқұжат үстелі (паспортный стол), ұлтүстілік (сверхнациональный).
Осы күрделі атаулардың барылғы да орыс тілінен калькалау тәсілімен жасалған толық калькалар. Келтірілген мысалдағы калька атаулар бұл тәсілдің қазіргі таңда қандай «ӨНІМДІ» тәсілге айналып отырғанын анық көрсетеді.
