Білімді пысықтау мен бақылауға арналған сұрақтар
1. Блок-модульдік оқыту технологиясына сипаттама беріңіз.
2. Блок-модульдік оқыту технологиясының құрылымын көрсетіңіз.
3. Блок-модульдік оқыту технологиясының мазмұнын ашып көрсетіңіз.
Ұсынылатын әдебиеттер
1. Беспалько В.Г. Слагаемые педагогической технологии. - М.: Педагогика, 1989.
2. Выбор методов обучения в средней школе. Под ред. Ю.К.Бабанского. - М., 1981.
3. Гусеев Л.И. Некоторые вопросы внедрения достижений педагогической науки в школьную практику. - Алма-Ата: Мектеп, 1974.
4. Дьяченко В.К. Новая педагогическая технология учебно - воспитательного процесса. - Усть-Каменогорск, 1999.
4.7 Жобалап оқыту технологиясы
Бұл жүйенің негізіне Дьюи, Торндайк, Лай сынды американдық ғалымдардың идеялары алынған.
Негізгі идеялар:
- Бала өзі таңдаған іс-әрекетті үлкен қызығушылықпен орындайды.
- Іс-әрекет тек оқу пәнінің саласында ғана құрылмайды.
- Балада қызығушылықтың пайда болған сәтін қалт жібермеу, соған үйрену.
- Шынайы оқыту ешқашанда біржақты болмайды, қосымша берілетін мәліметтер де өте маңызды.
Жобалап оқыту жүйесін қалаушылардың негізгі ұраны: «Барлығы өмірден, барлығы өмір үшін». Сондықтан олар танымдық үдерістер жүретін қоршаған ортаны бастапқы зертхана ретінде қарастырды. Карл Фрей өзінің «Жобалау әдісі» деген кітабында жобалау әдісінің 17 айрықша белгілерін атап көрсетеді.
Олардың негізгілері:
- Жобаға қатысушылар өмірде әйтеуір бір адамның жобалау бастамасын іліп әкетеді.
- Жобаға қатысушалар оқыту түрі туралы бір-бірімен келіседі.
- Жобаға қатысушылар жобалау бастамасын дамыта отырып, оны басқалардың назарына алуын қамтамасыз етеді.
- Жобаға қатысушылар өздерін жұмысқа дайындайды, ұйымдастырады.
- Жобаға қатысушылар бір-біріне жұмыс барысы туралы ақпараттар беріп отырады.
- Жобаға қатысушылар пікірталастарға қатысады.
Бұдан жобалау әдісін автор «жоба жасаудағы оқушы мен мұғалім әрекетінің жүйесі» деп қарастыратыны байқалды. Әйтсе де, бұл жобалап оқыту технологиясына берілген біршама кеңейтілген түсінік.
Қазіргі кезеңде жобалап оқытудың негізі қаланғандығы туралы айтуға болады. Н.Г.Чернилова жобалап оқытуға «Базалық технологиялық білімді меңгеру үшін кешенді оқу жобаларын ақпараттық үзілістермен кезектестіріп орындауға негізделген дамыта оқыту» деп анықтама береді.
Мұнда автор жобалап оқытуды дамыта оқыту түрі ретінде қарастырады.
Оқыту үдерісін толығымен жобалап оқытуға көшіру мүмкін емес екені мәлім. Алайда, білім жүйесінің қазіргі даму кезеңінде педагогикалық практиканы жеке тұлғаға бағытталған оқыту технологияларымен байыта түсу маңызды. Сондықтан, жобалап оқыту технологиясын- жеке тұлғаға дербес бағытталған технологиялардың бірі деп есептеуге болады.
Достарыңызбен бөлісу: |
