Сомаклондық өзгергіштіктің себептері мен механизмдері.
Генетикалық вариациялардың пайда болуының негізгі себептері – бастапқы өсімдіктердің соматикалық ұлпаларында болатын гетерогенділіктің жүзеге асуы және өсіру жағдайларының әсері.Бастапқы өсімдіктен алынған көп жасушалы эксплантта жасушалар дифференциацияның әртүрлі деңгейінде болуы мүмкін, плоидтылық деңгейінде ерекшеленеді және соматикалық мутацияларды жинақтайды. Гетерогенді эксплантты in vitro жағдайында өсіргенде гетерогенді популяция түзеді, одан өз кезегінде бастапқы өсімдіктерден ерекшеленетін өсімдіктерді алуға болады.Сонымен бірге, генетикалық вариациялардың көпшілігі дәл in vitro жағдайларының әсерінен пайда болатыны көрсетілген.
