Свод правил республики казахстан
жүктеу/скачать 3,63 Mb. Pdf көрінісі
|
СП РК 4.01-106-2018 (1)
| ҚР ҚЖ 4.01-106-2018
70 б) құрылыс конструкцияларын екінші рет пайдалану, құрылыс материалдарын өндіру үшін құрылыс сынықтарын қайта өңдеу; в) энергия үнемдеуші жабдықты барынша пайдалану; г) су ресурстарын екінші рет пайдалану. 9.3.10 Сумен жабдықтау және су бұру жүйелерін және тазарту құрылыстарын салу және кеңейту үшін аумақты ауыл шаруашылығына пайдалануға жарамсыз жерлерде қарастыру керек. 10 ҚОРШАҒАН ОРТАНЫ ҚОРҒАУ 10.1 Құрылыс жұмыстарын орындау кезінде атмосфераның минералды шаңмен, жылу қондырғылары мен қозғалтқыштарының газдарының шығарындысымен, жұмысы термиялық және химиялық технологиялық үдерістермен байланысты басқа да жабдықтардың ластануын қысқарту шаралары қабылдануы керек. 10.2. Жергілікті су қорғау органдарының рұқсаты бойынша көпір және гидротехникалық құрылыстарды салу кезінде қорғау аймағын іске қосу жұмыстарын жүргізуге рұқсат етіледі. Су қорғау және жағалаудағы қорғау жолақтарының шекаралары жеке топографиялық жоспарларда, сондай-ақ құрылыс алаңдарының жоспарларында және құрылыс көлігінің қозғалысын ұйымдастырудың жобалау құжаттамасында көрсетілуі керек. 10.3 Жер жұмыстарын орындау кезінде, оның ішінде гидромеханизация құралдарын пайдалана отырып орындау кезінде, жобада көзделмеген су айдындары мен ағын суларды жабуға немесе суландыруға, бөгеттерді, бөгеулерді, тосқауыл, маңдайшаларды, бұруларды орнатуға, арнаны тазалау мен тереңдетуге, жағалау контурын өзгертуге рұқсат етілмейді. 10.4 Су объектілерінде ластаушы заттардың көбеюіне алып келетін ластанған суларды (өндірістік, тұрмыстық, шайынды, дренаждық) төгуге тыйым салынады. Қоршаған ортаны қорғау және қорғау жөніндегі уәкілетті органдармен рұқсат етілген және келісілген көлемде және орындарда тазартылғаннан (тұндырғаннан) кейін тастауға рұқсат етіледі. 10.5 Ластанған сулардың күтпеген төгіндісін болдырмау үшін қорғау аймақтары, қолда бар өнеркәсіптік және тұрмыстық тұндырғыштар, жинақтағыштар, арналар шегінде жер бетінің белгілерін төмендететін жер жұмыстарын (ойықтар, резервтер, дренаждар, бұру арықтары және т.б.) орындауға рұқсат етілмейді. Ластанған ағыстары бар су объектілерінің қорғау аймақтарының ені жобалық құжаттамада көрсетілуі және бас құрылыс жоспарларында белгіленуі керек. жүктеу/скачать 3,63 Mb. Достарыңызбен бөлісу:
|