Сабақтың тақырыптық - күнтізбелік жоспары

Тақырыптық - күнтізбелік жоспар Қазақстан Республикасының Білім және ғылым министрлігі, Жалпы білім беретін мектептің оқу бағдарламасына , Қазақстан Республикасының бастауыш білім берудің мемлекеттік жалпыға міндетті стандартына негізделіп жасалды .

• 
  Әдебиеттік оқу. Оқулық 4-сынып
  
• 
  Т.Қ. Оспақов, М.В. Маркина, И.И. Свидченко, Ж.Қ. Астамбаева 2015 жыл, Атамұра.
  

Әдебиеттік оқу пәні – бастауыш сынып оқушыларының ауызша және жазбаша тілін дамытуды, яғни сөздік қорын байытуды, байланыстыра және грамматикалық тұрғыдан жүйелі сөйлеуге үйретуді, сөйлеу мәдениетін қалыптастыруды көздейді. Ұлттық тәрбие, рухани-мәдени құндылықтар, ана тілі және қазақ халқының салт-дәстүрі негізінде сусындаған жеке тұлғаны қалыптастыруға ықпал етеді. Адамның ішкі рухани жан дүниесі байлығын ашуға, адамгершілікке тәрбиелеуге, тілі мен қиялын дамытуға мүмкіндік береді.

• 
  Оқу сапасын (дұрыс, түсініп, шапшаң, мәнерлеп) жетілдіру;
  
• 
  ауыз әдебиетінің жанрларымен, отандық және балалар әлемдік әдебиетінің озық үлгілерімен таныстыру;
  
• 
  ақын-жазушылардың балаларға арналған шығармаларының басты тақырыбын, басты кейіпкерлерін және негізгі мазмұнын айқындауға үйрету;
  
• 
  талданып отырған мәтіннің жанрлық сипатын анықтауға машықтандыру;
  
• 
  әдеби-теориялық білім негіздерін қалыптастыру;
  
• 
  адамгершілік және эстетикалық құндылықтар жүйесі негіздерін қалыптастыру;
  
• 
  оқылған шығарма сюжеті желісімен немесе еркін тақырыпта әртүрлі әдеби шығармашылық жұмыс түрлерін орындауға машықтандыру;
  
• 
  әдеби функционалдық сауаттылыққа баулу және әдеби тілде еркін сөйлеуді меңгерту;
  
• 
  тұлғалық оқырмандық мәдениетін қалыптастыруда ана тілінде ауызша және жазбаша дұрыс сөйлеу, өз ойын анық, нақты баяндау білігі мен дағдысын қалыптастыру;
  
• 
  кітап және анықтамалықтармен, библиографиялық әдебиеттер және сөздіктермен жұмыс істей білуге дағдыландыру.
  

"Әдебиеттік оқу" пәні 4-сыныпта оқушыны жоғары сыныптардағы "Әдебиеттің" жүйелі курсын меңгеруге дайындауға, әдеби сауаттандыруға сөз өнері құралдары арқылы мәдени дамытуға баса көңіл бөлінеді.