Танысу тәжірибесін орындау бойынша

Мен, Иманбек Дильназ Ерсінқызы танысу тәжірибесінде «Менеджмент»  мамандығы бойынша 11-23 Қаңтар 2021 жылы аралығында өттім. Танысу бағдарламасы Қазақстан Республикасының Мемлекеттік жалпыға міндетті білім беру стандартына сәйкес 0515000-«Менеджмент» (салалар және қолдану аясы бойынша) мамандығы бойынша дайындалды. Танысу тәжірибесін кәсіпорындар мен білім беру ұйымдары арасында жасалған келісімшарттар негізінде әртүрлі ұйымдастырушылық-құқықтық формадағы кәсіпорынды таңдай отырып жасаған орынды. Сәйкесінше «Қазақстан» Республикалық телерадиокорпорациясы » АҚ ынды оқу тәжірибесінде өттім.

«Қазақстан» Республикалық телерадиокорпорациясы » АҚ - мемлекетіміздің ақпараттық саясатын жүзеге асыратын мемлекеттік телерадиокорпорация.Ол - «Қазақстан» Ұлттық телеарнасы, «КАЗспорт» телеарнасы, «Балапан» телеарнасы, «Мәдениет» телеарнасы, Қазақ радиосы, «Шалқар» радиосы, «Астана» радиосын және де аймақтық телерадиокомпанияларды біріктіретін Қазақстандағы және алыс-жақын шетелдегі беделді телерадиокорпорациялардың бірі. Бұл телерадиокорпорация өзінің қалыптасуында бай тарихқа ие және Қазақстанның телерадиожурналистикасының дәстүрін мұра етіп келеді. 1922 жылы негізі қаланған Қазақ радиосы мен 1958 жылы құрылған республикалық бірінші телеарнадан басталды. Телерадиокорпорация жарнамалық қызметпенде айналысады.

Тәжірибелік сабақтың нәтижесінде мен өзімнің кәсіби қызметке дайындығымның деңгейін анықтаймын. Тәжірибенің мақсаттары мен міндеттерін көрсетемін. Тәжірибе туралы есеп менің білім деңгейімді және  кәсіби іс-әрекетке қабілеттілігімді көрсетеді.

Тәжірибенің мақсатына тоқталатын болсақ, дәрістерде алған білімімді қалыптастыра отырып кәсіпорынмен танысу. Және де ұйымның нақты тәжірибелік қызметімен танысатын боламын, бұл маған мамандықты жақсы басқаруға мүмкіндік береді. Танысу тәжірибесі барысындағы ең негізгі мақсаттарым мыналар: ұйымның ерекшелігін зерттеу;  ұйымның жұмыс кестесімен танысу; қауіпсіздік ережелерімен танысу; ұйымның құрылымдық бөлімшелерімен танысу; кәсіби дағдыларды қалыптастыру; тәжірибе жинау.Осы тәжірибеден өту арқылы өз мамандығымның кәсіби шеберлігін арттыра отырып өмірлік тәжірибеге ие болу.