Нанотүтікшелердің электрохимиялық синтезі

Сассекстағы ғалымдар тобы графитті ұяшықтағы балқытылған хлорид электролизін қосатын көп қабатты нанотүтікшелерді синтездеу әдісін сипаттаған болатын. Мұнда анод рөлін - графитті тигель, ал катод рөлін - балқымаға енгізілген графитті стержень атқарды. 30 А шамасындағы тоқ ұяшық арқылы 1 минут ішінде өтті, содан кейін электролит салқындай бастады. Одан соң литии хлоридін еріту үшін және литии металымен әсерлесу үшін су қосылды. Бұл қоспа 4 сағатқа қалды, содан кейін сулы суспензияға толуол қосылып, осының бәрі бірнеше минут араластырылып шайқалды. Бұндай өңдеу көбінесе сулы қабаттан фильтрлеу арқылы бөлінетін, толуенді қабатқа ауысатын, қатты материалдың түзілуіне әкеледі. Толуол

суспензиясының бірнеше тамшысы трансмиссиялык электронды микроскоппен зерттеу үшін көміртекті табақшаға тамызылды. Нәтижесінде материалдың каталитикалық түзілген түтікшелерге ұқсайтын, көпқабатты нанотүтікшелердің аса көп мөлшерінен тұратындығы анықталды (3.15-сурет).

Сонымен қатар, басқа түрдегі нанобөлшектер анықталды. Түтікшелер сияқты, нанобөлшектер де ең бастысы хлорид немесе литий оксиді сияқты материалдан тұрды. Осылайша, осыған ұқсас технология толтырылған көміртекті нанобөлшектерді алудың тиімді бола алатындығын көрсетті.