Михайлов сарайы (Орыс мұражайы, 1819-1825 ж.) Бұл имарат үй-жай типтес. Сарай кешені салтанатты аула
ішіндегі биік орталық ғимараттан және олармен байланысты ішкі
жарық аулалы екі шығыңқы бүйір жақ корпустан тұрады. Орталық
ғимарат қасбетінің бірінші қабаты дөрекі қашалған, жоғарыда
шығыңқы діңмаңдайшалы коринфтік ордер бағаналары бар. Екінші
қабатта жарты бағаналы жартылай шеңбер терезелер қолданылған.
Сарай интерьерлері әдемі безендірілген, үйлесімді, әсембағандар
арасындағы ойма әшекейбедер әдемілік беріп тұр. Ғимарат алдында
үлкен алаң және қасбеттің орталық діңмаңдайшасына бағытталған
Михайлов көшесі жобаланған.
Сарай 1837 жылы өртеніп кетті. Өрттен кейін салтанатты
баспалдақ пен Ақ зал интерьері сақталған. 1914-1916 жылда-
ры сәулетші Л. Н. Бенуа батыс жақ корпусты аяқтайды. Ғимарат
ұзындығы 315 м құрайды.
Қала құрылыстық өнердің бірегей туындысы Александр театры
мен Театр көшесінің ансамблі болып табылады (қазіргі А. С. Пуш-
кин атындағы театр мен К. И. Росси көшесі).
