Студенттердің бойында, олардың кәсіби іс- әрекетіне қажетті тұлғааралық қарым-қатынастың психологиялық теория мен тәжірбиесі аймағында әлеуметтік-тұлғалық және инструменталды құзыреттілікті қалыптастыру
Пәннің мақсаты
Психологиялық білім, психологиялық мәдениет, психологиялық құзіреттілік
Дәріс жоспары
Психология ғылым ретінде.
Адам туралы ғылымдар жүйесіндегі психологияның орны мен міндеттері.
Заманауи тұлғаның қалыптасуы мен қоғамдық сананы жаңғырту жағдайындағы психология мен психологиялық білімдердің мәні.
Психология тиімді өмір сүру факторы ретінде (бизнес, спорт, денсаулық сақтау, жарнама психологиясы және т.б.).
Заманауи психологияның салалары.
Психологияның әдістері мен әдістемелері.
Психология ғылым ретінде
Психология (гр. – жан туралы ілім) - бұл адамдар мен жануарлардың мінез-құлқы мен психикалық процестерін зерттейтін ғылым. Дамудың негізгі кезеңдері
I кезең (ғылыми кезеңге дейін — б. з. д. VII-VI ғғ.) - психологияны жан туралы ғылым ретінде зерттеу (Аристотель);
II кезең (XVII ғасырдың басы) — психологияны сана ғылымы ретінде зерттеу. (Рене Декарт, Б.Спиноза, Д. Локк). Сананың анықтамасы, адамның жоғары жүйке қызметінің қасиеті - ойлау, пайымдау және шындыққа деген көзқарасын анықтау қабілеті пайда болады;
III кезең (ХХ ғасырдың басы) - психологияны мінез-құлық ғылымы ретінде зерттеумен сипатталады. Осы кезеңдегі психологияның негізгі міндеті - адамның мінез-құлқын, іс-әрекетін және реакциясын бақылау. Психологияның дербес ғылым ретінде қалыптасуы, сондай-ақ эксперименттік психологияның қалыптасуы мен дамуы (Д. Уотсон, У. Хантер, К. Лешли, Б. Скиннер, Э. Торндайк, Э. Толмен);
IV кезең - бұл кезең психологияның психиканың объективті заңдылықтарын, олардың көріністері мен механизмдерін зерттейтін ғылым ретінде қалыптасуын сипаттайды. 1879 жылы Германияда алғашқы психологиялық эксперименттік зертхана ашылды (В.Вундт).
