21.Есту анализаторы. Дыбыстық тітіркендіргіштерді қабылдау. Анализатордың өткізгіш және кортикальды бөлімдері. Есту анализаторы дыбыстық сигналдарды қабылдайды, олар жиілігі мен күші әртүрлі
ауа тербелісі болып табылады, бұл тербелістердің механикалық энергиясын жүйелік
қозуға айналдырады, ол дыбыстық сезім ретінде қабылданады.
Есту анализаторының немесе есту мүшесінің шеткі бөлігі үш негізгі бөлімнен тұрады:
1.
Дыбысты анықтайтын аппарат (сыртқы құлақ).
2.
Дыбыс өткізу аппараты (ортаңғы құлақ).
3.
Дыбыс қабылдайтын аппарат (ішкі құлақ).
Сыртқы құлақ құлақ қалқаны, сыртқы есту жолынан және дабыл мембранадан
тұрады. ормасы түтік болып келеді, соның арқасында дыбыстарды тереңге жақсы
өткізгіш болады. Есту жолының ені және формасы дыбыс өткізуде аса маңызды роль
атқармайды. Сонымен бірге есту жолы саңылауының тыртықтана бітуі немесе оның
механикалық тығындалуы дыбыс толқындарының дабыл жарғағына таралуына кедергі
болады және есту қабілетінің елеулі төмендеуіне алып келеді. Сол сияқты есту жолы
формасының өзі, оның терісінің жоғарғы сезімталдығы есту ағзасының әр түрлі
жарақаттарын болдырмауға мүмкіндік туғызады. Сонымен қатар дабыл жарғағына
жақын сыртқы есту жолының температурасы мен ылғалдылығы сыртқы ауа
температурасымен және ылғалдылығының тұрақсыздығына байланыссыз түрде
тұрақты деңгейінде ұсталып тұрылады, сондайлық дабыл жарғағының серпінді
қасиетін қамтамасыз етеді.
