2. Конкурс өткiзудiң тәртiбi
«Б» корпусының бос немесе уақытша бос мемлекеттік әкімшілік лауазымдарына орналасуға конкурс мынадай түрлерден тұрады:
ішкі конкурс;
жалпы конкурс.
Конкурс бірқатар жүйелі кезеңдерді қамтиды:
конкурс өткізу туралы хабарландыру жариялау;
конкурсқа қатысуға ниет бiлдiрген азаматтардың құжаттарын қабылдау;
мемлекеттік органның конкурс комиссиясын немесе бірыңғай конкурс комиссиясын құру;
конкурсқа қатысушылар құжаттарының «Б» корпусы мемлекеттiк әкiмшiлiк лауазымдарына белгiленген бiлiктiлiк талаптарына сәйкестiгiн қарау;
кандидаттармен мемлекеттік органның конкурс комиссиясы өткiзетiн әңгiмелесу;
мемлекеттік органның конкурс комиссиясының қорытындысы.
Азаматтар конкурсқа қатысу шығындарын (әңгімелесу өтетiн жерге келу және қайту, тұрғын жай жалдау, тұру, байланыс қызметiнiң барлық түрлерiн пайдалану) өздерiнiң жеке қаражаттары есебiнен жүргiзедi.
Конкурсқа Заңның 16-бабында көрсетілген талаптарға сәйкес келетін Қазақстан Республикасының азаматтары қатысады.
Конкурс туралы хабарландыру жарияланғаннан кейін мемлекеттік органға құжаттарды тапсырған Қазақстан Республикасының азаматтары конкурс қатысушылары болып табылады.
Конкурс комиссиясы шешімінің негізінде әңгімелесуге жіберілген конкурс қатысушылары бос лауазымға орналасуға кандидаттар (бұдан әрі – кандидаттар) болып табылады.
Конкурс комиссиясы конкурсқа қатысушылар берген құжаттарды қарап, кандидаттармен әңгiмелесу өткiзедi және бос лауазымдарға орналасуға кандидаттарға iрiктеудi жүзеге асырады.
Достарыңызбен бөлісу: |
