Жергілікті жерде өсетін адыраспан өсімдігінің құрамын зерттеу арқылы олардың шипалық қасиеттеріне баға беру.
Зерттеу міндеттері
Адыраспан -киелі өсімдігінің химиялық құрамын анықтау;
Адыраспан өсімдігінің биологиясын зерттеу;
Адыраспан дәрілік шөбінде алкалоид пеганиннің мөлшеріне қорғасынның әсерін зерттеу;
Медицинада адыраспанның емдік мақсатында қолданылуын, онымен халық медицинасында емдеу жолдарының түрлеріне баға беру;
Зерттеудің ғылыми жаңалығы
Түйетабандар тұқымдасына жататын адыраспан өсімдігінің химиялық құрамын анықтау арқылы, оның құндылығына көз жеткізу.
Зертханаға дайындалған нысаналық тәсілдері
Зерттеу обьектісіне адыраспан өсімдігінің түрлері Оңтүстік өңірінен алынды.
Дәрілік шикізат ретінде өсімдіктің өзі, тұқымы және тамыры пайдаланылады. Өсімдіктің шөбін гүлдеген кезде дайындайды, тамырдан жоғары жерінен кесіп алынады. Кептірер кезде темір шатыр астына көлеңкеге және ауа өтіп тұратын жерге кептіріледі. Сақтау мерзімі 2 жыл. Қауашағы ашыла бастағанда тұқымын тереді. Төбесі жабық жақсы ауа өтіп тұратындай жерде немесе күн астында кептіреді. Астына мата төсеп , сосын тұқымын шөбі мен қауызынан ажыратады.
