Жел
ЖЕР ТУРАЛЫ ҒЫЛЫМДАР • АУА РАЙЫ • ЖЕЛ
1
1-бөлім: Жел қалай пайда болады?
• Атмосфералық қысым дегеніміз не?
Ауа райы диаграммасындағы изобаралар
атмосфералық қысымды көрсетеді
Жерді айнала қоршаған ауа қабаты атмосфера деп аталады.
Атмосфераның Жер бетіне жақын маңда тығыздығы көп,
ал биіктеген сайын тығыздығы азая береді. Атмосфераның
Жер бетіне түсіретін салмағы “атмосфералық қысым” деп
аталады.
Теңіз деңгейіндегі атмосфералық қысым “1 атмосфераға”
немесе “1 барға”, немесе “1000 миллибарға” (мб) тең.
Синоптикалық картада (ауа райы картасы) 960мб өте төмен,
ал 1012 мб жоғары қысым деп есептеледі. Су ішінде 10 м
тереңдікте сезілетін қысым қосымша “бар” деп аталады.
Атмосфералық қысым депрессия немесе дауыл секілді ауа
райы құбылыстарына байланысты өзгереді. Ауа райын дұрыс
болжау атмосфералық өлшемдерге тәуелді.
