Адам гаструляциясы екі кезеңнен тұрады. Жоғарғы сатыдағы омыртқалылар
сияқты адамның гаструляциясының бірінші кезеңі деляминация арқылы
жүреді. Мұнда эмбриобласт — екі жапырақшаға, эктодерма мен
энтодермаға жарылады. Осы екі кезеңнің арасында ұрыққа қажетті
жағдайлармен қамтамасыз ететін ұрықтан тыс органдар қалыптасады.
Адамда үш ұрықтық жапырақша ерте түзіледі. Ұрық денесі қалыптаса
бастағанға дейін амниондық кӛпіршіктің қабырғасын құраушы ұрықтан тыс
эктодерма, сары уыз қапшығы қабырғасының ұрықтан тыс энтодермасы
және тӛл кӛпіршігінің қуысында, ұрықтан тыс мезодерма пайда болады (88-
сурет).
