Асқорытудың және сіңірудің бұзылу синдромы
Асқорытудың бұзылу (мальдигестия) синдромы – іштен туа біткен (ферменттер жетіспеушілігінен) және жүре пайда болған (асқорыту жүйесінің аурулары – ащы ішектің, ұйқы безінің, екіншілік ферментопатия) түрлерін ажыратады.
Асқорыту бұзылыстарының түрлері: ішек қуысында, ішек қабырға маңында (мембранды), жасушаішілік және аралас. Клиникасы бірдей, бірақ асқорыту бұзылыстарының дамуы әртүрлі.
Асқорытудың ішек қуысында бұзылуы асқазан, ішек, ұйқы без секрециясының жеткіліксіз болуына, өт бөлінуі бұзылуына және асқорыту жүйесінің қозғалу қызметінің бұзылыстарына (спазм, стеноз, ішектің басылуы немесе гипермоторикасы) байланысты дамиды. Алиментарлық факторлар әсерінен де бұзылуы мүмкін: шектен тыс тамақтану, дұрыс тамақтанбау, психикалық немесе физикалық күш түсу, ыстықтау және салқындау бездер секрециясын тежейді.
Ішек қабырғасы маңы асқорытудың жетіспеушілігі ащы ішектің созылмалы ауруларына байланысты дамиды, өйткені ішек бүрлерінің құрылымы өзгеріп, саны азаяды.
Жасушаішілік асқорытудыңбұзылуы біріншілік және екіншілік ферментопатияларға байланысты дамиды.
Достарыңызбен бөлісу: |
