Терінің шырышты қабаттарын қарау. Жүрек ауруларында тері түсі ағарады немесе көгереді.
Цианоз - терінің көгеруі қанда босаған гемоглобиннің көбеюіне байланысты болады. Цианоз жалпы және шектеулі болып бөлінеді, ал жалпы цианоз шеткімен жалпы орталық болып бөлінеді.
Жалпы орталық цианоз: біріншіден, өкпеде газ алмасу процессі нашарлағандықтан, қанның оттегімен қанығуының бұзылуына байланысты дамиды. Екіншіден, орталық цианоз кейбір іштен туа біткен жүрек ақауларында артериальды және венозды қанның араласуына бос гемоглобиннің көбеюіне байланысты дамиды.
Шеткі цианоз жүрек әлсіздігінің әсерінен жүректен алыс орналасқан мүшелерде пайда болады: ерін, құлақтың үші, саусақтардың басы көгереді, және оны акроцианоз деп атаймыз.
Шектеулі цианоз дененің бір жерінде қан айналымының бұзылуына байланысты пайда болатын цианоз, мысалы: венаның варикозды кенеюі, тромбофлебит, венаның ісікпен, тыртықпен, өскен лимфа безімен қысылып қалуы.
Терінің ағаруы - құқыл не бозғылт тартуы қолқа ауруында, жедел жүрек – тамыр жетіспеушілігінде: естен тану, коллапс, шок, инфекционды эндокардитте байқалады.
Терімен шырышты қабаттардың ақшыл - сары тартқан түсі «сүтті кофе түсі» деп аталады да бактериялық эндокардитте, кардиальды циррозда кездеседі.
Достарыңызбен бөлісу: |
